وزیراعظم عمران خان کے انسٹاگرام اکاﺅنٹ پر فالوورز کی تعداد 10 لاکھ سے تجاوز کرگئی
The news is by your side.

Advertisement

وزیراعظم عمران خان کے انسٹاگرام پر فالوورز کی تعداد 10 لاکھ سے تجاوز کرگئی

اسلام آباد : وزیراعظم عمران خان کے انسٹاگرام اکاﺅنٹ پر فالوورز کی تعداد 10 لاکھ سے تجاوز کر گئی ہے، جس پر وزیراعظم نے اپنی سوشل میڈیا ٹیم اور مداحوں کا شکریہ ادا کیا۔

تفصیلات کے مطابق عوام میں مقبول رہنماؤں کے سماجی رابطوں کی ویب سائٹس ٹویٹر، انسٹا گرام اور فیس بک وغیرہ پر فالوورز کی تعداد کو بڑی اہمیت دی جاتی ہے، عمران خان بھی عالمی رہنماؤں کے اس کلب میں شامل ہو چکے ہیں جن کی فالوور شپ سب سے زیادہ ہے۔

و وزیراعظم عمران خان نے انسٹاگرام اکاﺅنٹ پر فالوورز کی تعداد 10 لاکھ سے زائد ہونے پر سماجی رابطے کی ویب سائٹ ٹوئٹر پر اپنی سوشل میڈیا ٹیم کے کام کو سراہتے ہوئے ٹیم اور اپنے مداحوں کا شکریہ ادا کیا۔

خیال رہے بھارت کے وزیراعظم نریندر مودی انسٹاگرام پر عالمی رہنماؤں میں سرفہرست ہے ،ان کے فالوورز کی تعداد 15.7 ملین ہے جبکہ امریکی صدر ڈونلڈ ٹرمپ کے 11 ملین فالوورز ہے۔

یاد رہے رواں سال اگست میں ٹوئٹر پر عمران خان کے فالوورز کی تعداد 8 ملین (80 لاکھ) تک پہنچ گئی تھی اور وہ ٹوئٹر پر سب سے زیادہ فالو کئے جانے والے دنیا کے ساتویں بڑے عالمی رہنما بن گئے تھے۔

مزید پڑھیں : عمران خان ٹویٹر پر سب سے زیادہ فالوورز رکھنے والے ساتویں بڑے عالمی رہنما بن گئے

واضح رہے کہ عمران خان اپنی بڑھتی ہوئی آن لائن سرگرمیوں کے ساتھ سوشل میڈیا استعمال کرنے والوں میں بے حد مقبول ہیں، جس کی وجہ ان کے فی البدیہہ ٹویٹس ہیں۔

پاکستان کے انتخابات 2018 میں اکثریت حاصل کرنے کے بعد عمران خان نے Top 10 Most Followed World Leaders on Twitter میں بھی ساتویں پوزیشن حاصل کی تھی۔

Comments

comments

یہ بھی پڑھیں