The news is by your side.

Advertisement

وزیراعظم آج مالاکنڈ یونیورسٹی میں تقریب سے خطاب کریں گے

اسلام آباد : وزیراعظم عمران خان نے آج مالاکنڈ یونیورسٹی میں تقریب سے خطاب اور مختلف شاہراہوں کا افتتاح کریں گے۔

تفصیلات کے مطابق وزیراعظم عمران خان آج سوات اور ملاکنڈ کا دورہ کریں گے ،دورے کے دوران عمران خان مالاکنڈیونیورسٹی میں تقریب سے خطاب کے ساتھ ساتھ مختلف شاہراہوں کاافتتاح کریں گے۔

وزیراعظم عمران خان چکدرہ سوات موٹروے کی گراؤنڈ بریکنگ کریں گے ، منصوبہ کےپی حکومت کی جانب سے شروع کیا جائے گا اور وفاقی حکومت منصوبے کی تکمیل میں تعاون کرے گی۔

وزیراعظم وفاقی وزیرمرادسعیدکی خصوصی دعوت پردورہ کررہےہیں ، وزیراعظم کےہمراہ گورنراوروزیراعلیٰ خیبرپختونخوا ہوں گے۔

یاد رہے گذشتہ روز حکومت نےاسلام آبادمیں پندرہ سوگھرمحنت کشوں کےحوالے کئے تھے ، وزیراعظم عمران خان نے تقریب سےخطاب میں کہا تھا  کہ یہ منصوبہ کسی پراحسان نہیں،محنت کشوں کا حق ہے،خصوصی قانون کےتحت اب بینک ہاؤسنگ اسکیمزکےلیےقرضے دےرہےہیں، بیس سال تک گھروں پر شرح سودپانچ فیصدسےزائد نہیں ہوگی۔

ان کا کہنا تھا کہ ہماری حکومت آئی توپہلے ہی ہفتے کہا فیل ہوگئی،حکومت کی کارکردگی پانچ سال بعددیکھنی چاہیے، پنجاب، کےپی اور بلوچستان میں تیزی سے کام ہورہا ہے، سندھ سے مثبت ردعمل نہیں ملتا تاہم تعمیراتی صنعت سےقرضے اترنا شروع ہوجائیں گے۔

Comments

یہ بھی پڑھیں