The news is by your side.

Advertisement

وزیراعظم عمران خان 4جولائی کو روڈ ٹو مکہ پراجیکٹ کا افتتاح کریں گے

اسلام آباد : وزیراعظم عمران خان روڈ ٹو مکہ پراجیکٹ کا افتتاح چار جولائی کو اسلام آباد ایئرپورٹ پر کریں گے جبکہ حج پروازیں بھی  چار جولائی سے شروع ہوں گی۔

تفصیلات کے مطابق وزیراعظم عمران خان چار جولائی کو روڈ ٹو مکہ پراجیکٹ کا افتتاح اسلام آباد ایئر پورٹ پر کریں ، روڈ ٹو مکہ پراجیکٹ کا منصوبہ پرنس سلمان نے شروع کیا تھا اور اسلام نیو ایئرپورٹ کو اس منصوبے کے لئے منتخب کیا گیا تھا۔

روڈ ٹو مکہ پروگرام کے تحت عازمین حج اپنی امیگریشن اسلام آباد ایئر پورٹ پر کرکے جدہ اور مدینہ ایئر پورٹ پر امیگریشن کے طویل انتظار سے بچ سکیں گے۔

دوسری جانب حج پروازوں کا شیڈول بھی تیار ہے، پروازیں 4جولائی سے شروع ہوں گی جبکہ حج آخری پرواز 5 اگست کو سعودی عرب جائے گی۔

عازمین حج کو الوداع کرنے کی تیاریاں بھی مکمل کر لی گئی ہیں سکھر سے وفاقی وزیر میاں محمد سومرو ، رحیم یار خان سے وفاقی وزیر خسرو بختیار اور ملتان سے  وفاقی وزیر شاہ محمود عازمین حج کو الودع کر یں گے۔

مزید پڑھیں : سول ایوی ایشن اتھارٹی نے حج پروازوں کا شیڈول جاری کر دیا

کراچی سے پارلیمانی سیکرٹری آفتاب جہانگیر ، لاہور سے وزیر اعلی پنجاب عثمان بزدار ، فیصل آباد سے راجہ ریاض اور فرخ حبیب، پشاور سے گورنر شاہ فرمان اور وفاقی وزیر نور الحق قادری عازمین حج کو الوداع کریں گے۔

کوئٹہ سے وزیر اعلی بلوچستان جام کمال اور سیالکوٹ سے فردوس عاشق اعوان عازمین حج کو الوداع کریں گی۔

یاد رہے کہ سعودی عرب نے عازمین حج کے لیے امیگریشن لینڈنگ کارڈ کی شرایط ختم کر دی ہیں، سعودی ایوی ایشن اتھارٹی نے حجاج کی سہولت کے لیے پاکستان سمیت دنیا بھر کی تمام ایئر لائنز کو اس ضمن میں ہدایت جاری کر دی ہے۔

خیال رہے روڈ ٹو مکہ منصوبہ کے تحت رواں سال 90 فیصد پاکستانی عازمین حج کی امیگریشن پاکستان میں ہو گی۔

Comments

comments

یہ بھی پڑھیں