The news is by your side.

Advertisement

وزیراعظم عمران خان آج سرسید ایکسپریس کا افتتاح کریں گے

راولپنڈی: وزیراعظم عمران خان آج سرسیدایکسپریس کاافتتاح کریں گے، نان اسٹاپ ٹرین راولپنڈی سےبراستہ فیصل آبادکراچی جائےگی، ٹرین میں وائی فائی ،ٹی وی، ڈائننگ کار اور کھانے پینے کی سہولتیں دستیاب ہوں گی۔

تفصیلات کے مطابق وزیراعظم عمران خان آج سرسیدایکسپریس کا افتتاح کریں گے ، نان اسٹاپ ٹرین راولپنڈی سےبراستہ فیصل آبادکراچی جائےگی، افتتاحی تقریب سے وزیراعظم عمران خان اور وزیر ریلوے شیخ رشید خطاب بھی کریں گے۔

راولپنڈی سے کراچی کے لیےسر سید ایکسپریس کل دن ڈھائی بجے روانہ ہوگی اور دوسرے روز 12بجےکراچی پہنچےگی، وائی فائی ،ٹی وی، ڈائننگ کار اورکھانےپینے کی سہولتیں ٹرین میں دستیاب ہوں گی

ٹرین کراچی سے روز رات 9 بجے روانہ ہوگی اور اگلےدن شام 6 بجےراولپنڈی پہنچےگی ، اکانومی کلاس کی بکنگ کرانے پر کرایہ 2 ہزار، جبکہ موقع پر ٹکٹ کی مد میں 2100 وصول کیا جائے گا۔

اے سی سلیپر کی بکنگ کرانے پر کرایہ 8 ہزار اور موقع پر ٹکٹ ساڑھے 8 ہزار روپے میں ملے گا جبکہ بزنس کلاس کی بکنگ پر کرایہ ساڑھے 6 ہزار اور موقع پر ٹکٹ 7ہزار میں ملے گا۔

مزید پڑھیں : ہم نے سرسید ایکسپریس پر ہدف 3 مہینے پہلے حاصل کرلیا، شیخ رشید

یاد رہے گذشتہ وزیر ریلوے شیخ رشید نےن کہا تھا  سنہ 18-2017 میں ریلوے کا خسارہ 36 ارب 32 کروڑ تھا، ہم نے ریلوے کے خسارے میں 4 ارب کی تاریخی کمی کی ہے۔

شیخ  رشید کا مزید کہنا تھا کہ ہم نے سرسید ایکسپریس پر ہدف 3 مہینے پہلے حاصل کرلیا، حکومت عوام کی امنگوں پر پوری اترے گی، ہمارے پاس یومیہ 15 ہزار مسافروں کا اضافہ ہوا ہے۔ سرسید ایکسپریس نان اسٹاپ ہوگی۔

Comments

comments

یہ بھی پڑھیں