The news is by your side.

Advertisement

وزیر اعظم عمران خان 23 نومبر کو ٹریک اینڈ ٹریس نظام کا افتتاح کریں گے

اسلام آباد : وزیر اعظم عمران خان 23 نومبر کو ٹریک اینڈ ٹریس نظام کا افتتاح کریں گے ، نیا نظام ملکی ریونیو میں اضافے اور ٹیکس چوری کا سد باب کرے گا۔

تفصیلات کے مطابق وزیر اعظم عمران خان 23 نومبر کو ٹریک اینڈ ٹریس نظام کا افتتاح کریں گے، نظام کے تحت تمباکو، کھاد، چینی، سیمنٹ کی پیداوار و فروخت کی الیکٹرانک نگرانی ہوگی۔

اس حوالے سے اعلامیے میں کہا گیا ہے کہ الیکٹرانک نگرانی کا دائرہ کار اشیا کی پیداوارسے صارف کو پہنچنے تک رہےگا ، نیا نظام ملکی ریونیو میں اضافے اور ٹیکس چوری کا سد باب کرے گا۔

اعلامیے کے مطابق تمبا کو سیکٹر میں ٹریک اینڈ ٹریس نظام لاگو کیا جا چکا ہے ، تمباکو اور شوگر سیکٹر کے بعد بقیہ سیکٹرز کی الیکٹرانک نگرانی کا نظام لاگو ہو گا۔

جاری اعلامیے میں کہا گیا ہے کہ نوٹیفائیڈ سیکٹرز کے تمام پیداواری اشیا کی الیکٹرانک نگرانی ہو سکے گی جبکہ اگلے مرحلے میں مشروبات اور پٹرولیم سیکٹر میں ٹریک اینڈ ٹریس نظام لاگو ہوگا۔

Comments

یہ بھی پڑھیں