اسلام آباد : وزیراعظم عمران خان آج لاہور میں میواکی اربن فاریسٹ کا افتتاح کریں گے، اس فاریسٹ میں منفرد میواکی ٹیکنالوجی سے ایک لاکھ 65ہزار پودے لگائے جائیں گے۔
تفصیلات کے مطابق وزیر مملکت برائے اطلاعات فرخ حبیب نے سماجی رابطے کی ویب سائٹ ٹوئٹر پر اپنے پیغام میں کہا ہے کہ وزیراعظم عمران خان آج لاہور میں میواکی اربن فاریسٹ کا افتتاح کریں گے اور سگیاں پرمیوا کی درخت لگانے کی مہم آغاز کریں گے۔
فرخ حبیب کا کہنا تھا کہ وزیراعظم عمران خان وزیراعلیٰ پنجاب سےملاقات بھی کریں گے ، جس میں انھیں آب پاک اتھارٹی،اسپیشل ٹیکنالوجی زون سےمتعلق بریفنگ بھی دی جائے گی۔
وزیراعظم عمران خان آج لاہور میں میواکی اربن فارسٹ کا افتتاح اورسگیاں پرمیواکی درخت لگانے کی مہم آغاز کرے گے
وزیراعلی سےملاقات سمیت گورنر ہاؤس پنجاب میں وزیراعظم کوپینے کے صاف پانی کی فراہمی کےحوالےسے آب پاک اتھارٹی اورسپیشل ٹیکنالوجی زون متعلق بریفنگ دی جائےگی#CleanGreenPunjab— Farrukh Habib (@FarrukhHabibISF) August 9, 2021
خیال رہے یہ دنیا کا سب سے بڑا میواکی فاریسٹ ہے، جو 100کنال پر بنایا گیا ہے، اس میں نفرد میواکی ٹیکنالوجی سے ایک لاکھ 65ہزار پودے لگائے جائیں گے، جاپانی تکنیک سےدرخت 10 گنا تیز اور 30 گنا زیادہ گھنے ہوتے ہیں۔
یاد رہے رواں سال فروری میں وزیراعظم عمران خان نے لاہور کے جیلانی پارک میں اربن فارسٹ منصوبے کا افتتاح کیا تھا ، افتتاحی تقریب سے خطاب کرتے ہوئے وزیراعظم نے کہا تھا کہ موسمیاتی تبدیلی سے نمٹنے کیلئے ہم سب کو بہت محنت کرنا پڑے گی، اس کے لئے پچاس مقامات پر اربن فاریسٹ لگانے کی سوچ اہم اور پہلا قدم ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں