The news is by your side.

Advertisement

وزیراعظم رواں ماہ مزدوروں کیلیے نئی ہاؤسنگ سوسائٹی کا افتتاح کریں گے

پشاور: معاون خصوصی زلفی بخاری کا کہنا ہے کہ  200 گھروں پر مشتمل سوسائٹی میں مزدوروں کو مالکانہ حقوق دیے جائیں گے، وزیراعظم اسی ماہ ہاؤسنگ سوسائٹی کا افتتاح کرنے پشاور آئیں گے۔

تفصیلات کے مطابق معاون خصوصی زلفی بخاری نے بے سہارا بچوں کے مرکز زمونگ کور کا دورہ کیا ، اس موقع پر زلفی بخاری نے کہا کہ1500 بچوں کی گنجائش کا اسکول جلد تعمیر کررہے ہیں۔

معاون خصوصی نے مزدوروں کے لیے نئی ہاؤسنگ سوسائٹی پرشوکت یوسفزئی کو خراج تحسین پیش کرتے ہوئے کہا 200گھروں پر مشتمل سوسائٹی میں مزدوروں کو مالکانہ حقوق دیے جائیں گے، وزیراعظم اسی ماہ ہاؤسنگ سوسائٹی کا افتتاح کرنے پشاور آئیں گے۔

زلفی بخاری کا کہنا تھا کہ سیاحت کے فروغ کے لیے ہنگامی بنیادوں پر اقدامات کیےجارہے ہیں، گرمیوں میں سیاحوں کونئے خوبصورت مقامات دیکھنے کو ملیں گے۔

انھوں نے مزید کہا نئے سیاحتی مقامات سے سیاحوں کی بڑی تعداد خیبرپختونخوا کا رخ کرے گی۔

یاد رہے دسمبر 2020 میں وزیراعظم نے مزدوروں کیلئے بننے والے فلیٹس کی تکمیل کا نوٹس لیتے ہوئے شوکت یوسفزئی کے توجہ دلانے پر 20 کروڑ روپے جاری کرنے کی ہدایات کی تھی۔

وزیراعظم نے کہا  تھا کہ شوکت یوسفزئی معاون خصوصی زلفی بخاری کیساتھ معاملے کوحل کریں، حکومت اورپارٹی مزدوروں کےحقوق پر کوتاہی برداشت نہیں کرے گی۔

Comments

یہ بھی پڑھیں