اسلام آباد : وزیراعظم عمران خان آج طلبا کے لیے اسکالرشپ کمپلینٹ پورٹل کا اجرا کریں گے ، پورٹل کامقصد اسکالرشپ والے طلبا کو درپیش مسائل فوری حل کرنا ہے۔

تفصیلات کے مطابق ملک بھر کے طلبا کے لیے اسکالرشپ کمپلینٹ پورٹل کا اجرا آج کیا جائے گا ، وزیر اعظم اسلام آباد میں تقریب میں پورٹل کا اجرا کریں گے۔

پورٹل کامقصد اسکالر شپ والے طلبا کودرپیش مسائل فوری حل کرنا ہے ، حکومت اسکالرشپس کی مدمیں 28 ارب سے زائد رقم خرچ کر رہی ہے، جس کے تحت 72 فیصد خواتین سمیت26لاکھ طلبا اسکالر شپس سے مستفید ہو رہے ہیں۔

پورٹل وسائل کے درست استعمال، میرٹ اور شفافیت میں مدد فراہم کرے گا ، پورٹل وزیراعظم سیٹیزن پورٹل سے منسلک ہوگا اور وزیر اعظم آفس شکایات کے بروقت ازالے کی نگرانی کرے گا۔