اسلام آباد: وزیر اعظم عمران خان کا کہنا ہے کہ اسلامی دنیا کے سب سے تجربہ کار سیاستدان مہاتیر محمد نے بھی انہی مسائل کا سامنا کیا جن کا سامنا آج ہمیں ہے۔
تفصیلات کے مطابق وزیر اعظم عمران خان نے سماجی رابطے کی ویب سائٹ ٹویٹر پر اپنے ٹویٹ میں کہا کہ اسلامی دنیا کے سب سے تجربہ کار اور کامیاب سیاستدان کا بھی بالکل اسی قسم کے مسائل سے سابقہ رہا جن کا سامنا آج میری حکومت کو ہے۔
ملائیشیا کے وزیر اعظم مہاتیر محمد کے بارے میں ایک مضمون شیئر کرتے ہوئے وزیر اعظم نے لکھا کہ ان کی راہ میں بھی وہی سیاسی مافیا حائل ہوا جس نے اداروں کی تباہی کے ذریعے ملائیشیا کو قرضے کی دلدل میں دھنسایا اور اس کا دیوالیہ نکال دیا۔
اسلامی دنیاکےسب سےتجربہ کار اور کامیاب سیاستدان کا بھی بالکل اسی قسم کےمسائل سےسابقہ رہا جن کاسامنا آج میری حکومت کو ہے۔انکی راہ میں بھی وہی سیاسی مافیا حائل ہوا جس نے اداروں کی تباہی کے ذریعے ملائشیاء کوقرض کی دلدل میں دھنسایا اور اسکا دیوالیہ نکال دیا۔ https://t.co/MOoDIzQBb2
— Imran Khan (@ImranKhanPTI) January 19, 2020
گزشتہ روز نوجوانوں کے ایک وفد سے ملاقات کے دوران وزیر اعظم نے کہا تھا کہ پاکستان مشکل معاشی صورتحال سے نکل آیا ہے، کرپشن مافیا کو ختم کرنے کے لیے آخری حد تک لڑائی لڑوں گا۔
انہوں نے کہا تھا کہ پاکستان میں سیاحت کے فروغ کے لیے پوٹینشل موجود ہے، پاکستان کو عالمی سطح پر بھی مختلف چیلنجز کا سامنا ہے، پاکستان ہمیشہ امن کا خواہاں رہا اب بھی اس کے لیے کردار ادا کر رہا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں