The news is by your side.

Advertisement

وزیرا عظم عمران خان آئندہ ہفتے دیا مربھاشا ڈیم پراجیکٹ کا دورہ کریں گے

اسلام آباد : وزیرا عظم عمران خان آئندہ ہفتے دیامربھاشاڈیم پراجیکٹ کادورہ کریں گے، واپڈا کا کہنا ہے کہ دیامربھاشا ڈیم پراجیکٹ سال 29-2028میں مکمل ہوگا۔

تفصیلات کے مطابق وزیرا عظم عمران خان آئندہ ہفتے دیامربھاشاڈیم پراجیکٹ کادورہ کریں گے اور دورے میں پراجیکٹ پرتعمیراتی کام کا جائزہ لیں گے۔

واپڈا کا کہنا ہے کہ دیامربھاشاڈیم پراجیکٹ اپنی تعمیرکےمرحلےمیں داخل ہوچکاہے، ایک سال میں 2 بڑے ڈیمز مہمند اوردیامربھاشا پر کام شروع کیا جاچکاہ ے، دیامربھاشا ڈیم پراجیکٹ سال 29-2028میں مکمل ہوگا۔

واپڈا کے مطابق دیامربھاشا ڈیم میں 81لاکھ ایکڑفٹ پانی ذخیرہ ہوگا اور 12لاکھ30ہزار ایکڑ زمین سیراب ہوگی جبکہ ڈیم کی بجلی پیداکرنےکی صلاحیت ساڑھے4ہزارمیگاواٹ ہوگی۔

واپڈا نے مزید کہا کہ دیامربھاشا ڈیم منصوبہ نیشنل گرڈکوہرسال18ارب یونٹ پن بجلی فراہم کرے گا۔

یاد رہے رواں سال مئی میں وزیراعظم کے معاون خصوصی برائے اطلاعات لیفٹیننٹ جنرل (ر) عاصم سلیم باجوہ نے دیامیر بھاشا ڈیم کی تعمیر شروع کرنے کا اعلان کیا تھا اور کہا تھا اپنے پیغام میں کہا کہ بھاشا ڈیم کی تعمیر کا اعلان ہماری نسلوں کے لیے تاریخ ساز خبر ہے، یہ ہماری نسلوں کے لیے بہت حوصلہ افزا بات ہے۔

عاصم سلیم باجوہ نے کہا تھا کہ ڈیم سے 16 ہزار ملازمتیں، 4500 میگاواٹ بجلی میسر آئے گی، ڈیم کی تعمیر سے لاکھوں ایکڑ زمین سیراب ہوگی۔

بعد ازاں واپڈا نے دیا مر بھاشا ڈیم پراجیکٹ کی تعمیر کے لیے کنٹریکٹ پاورچائنا اور ایف ڈبلیو او پر مشتمل جوائنٹ ونچر کو ایوارڈ کردیا، کنٹریکٹ کی مالیت442 ارب روپے ہے جس میں ڈائی ورشن سسٹم، مین ڈیم، پُل اور پن بجلی گھر کی تعمیرات شامل ہیں۔

fb-share-icon0
Tweet 20

Comments

comments

یہ بھی پڑھیں