The news is by your side.

Advertisement

وزیر اعظم عمران خان کل کی بجائےآج شام لاہور پہنچیں گے

اسلام آباد : وزیر اعظم عمران خان کل کی بجائے آج شام لاہور پہنچیں گے، جہاں وہ کابینہ کے خصوصی اجلاس کی صدارت کریں گے، جس میں اہم فیصلے کئے جائیں گے۔

تفصیلات کے مطابق وزیراعظم عمران خان کے دورہ لاہور کا شیڈول تبدیل کردیا گیا، وزیر اعظم کل کی بجائےآج شام ہی لاہورپہنچیں گے، جہاں وہ کابینہ کےخصوصی اجلاس کی صدارت کریں گے۔

اجلاس میں پنجاب کے بجٹ پربریفنگ دی جائے گی جبکہ  وزیراعظم کو کورونا کے انسداد کے لئے اقدامات اور اسپتالوں میں مریضوں کی سہولیات پر  پربریف کیا جائے گا۔

کابینہ اجلاس میں وزیراعظم کو  انسدادکوروناکےلئےایس اوپیزپر عمل  سے متعلق آگاہ کیاجائےگا اور  وزراکی کارکردگی بھی موضوع بحث ہوگی جبکہ وزیراعظم کی صدارت میں اجلاس میں اہم فیصلےبھی کئےجائیں گے۔

یاد رہے لاہورمیں کورونا کے بڑھتے کیسز روکنے کیلئے خصوصی اقدامات کرنے کا فیصلہ کرتے ہوئے  پیر سے2ہفتے کے لاک ڈاؤن پر غور شروع کردیا ہے،لاک ڈاؤن میں ضروری میڈیسن، گروسری دکانیں کھلی رہیں گی۔

اجلاس میں 2ہفتے کیلئےایس اوپیزمزیدسخت کرنےکیلئے وفاق کوسفارشات بھیجنےکافیصلہ کرتے ہوئے کہا گیا کہ  وفاقی حکومت کی حتمی منظوری کے بعد لاہور کیلئے علیحدہ حکمت عملی پرعملدرآمدہوگا۔

دوران اجلاس بریفنگ میں بتایا گیا ایس او پیز پر عملدرآمد نہ کرنے کے بعد صورتحال تشویشناک ہے، پنجاب میں نصف سے زائدکیسز لاہور میں ہیں، بازاروں،مارکیٹوں میں ایس اوپیزخلاف ورزیاں دیکھی جارہی ہیں اور ماسک،سماجی فاصلہ،دیگراحتیاطی تدابیراختیار نہ کرنے سے کیسز بڑھ رہے ہیں۔

Comments

یہ بھی پڑھیں