The news is by your side.

Advertisement

وزیراعظم عمران خان کی ہندو برادری کو ہولی کی مبارک باد

اسلام آباد : وزیراعظم عمران خان سمیت سیاسی رہنماؤں نے ہندو برادری کو ہولی کے تہوار کی مبارک باد دی اور اسے رنگوں کا تہوار قرار دیتے ہوئے نیک تمناؤں کا اظہار کیا۔

تفصیلات کے مطابق رنگوں اورخوشیوں کا تہوار، پاکستان سمیت دنیابھرمیں ہندوبرادری آج ہولی منارہی ہے، اس موقع پر وزیراعظم عمران خان نے سماجی رابطے کی ویب سائٹ ٹوئٹر پر اپنے پیغام میں کہا ہماری ہندو برادری کو ہولی مبارک ہو، ہولی امن و مسرت سے مزین رنگوں بھرا تہوار ہے۔

ترجمان دفترخارجہ ڈاکٹر فیصل نے سماجی رابطے کی ویب سائٹ ٹوئٹر پر ہولی منانے والے تمام افراد کو مبارکباد دیتے ہوئے کہا ہولی رنگوں سے بھرا تہوار ہے۔

وزیرخارجہ شاہ محمود قریشی نے سماجی رابطے کی ویب سائٹ ٹوئٹر پر ہندو برادری کو ہولی کے تہوار کی مبارک دیتے ہوئے کہا رنگوں کا تہوار،امن اور خوشی لائے۔

وزیر اعلیٰ پنجاب عثمان بزدار نے ہولی کے تہوار پر ہندو برادری کو مبارکباد دیتے ہوئے کہا ہولی کا تہوار بھائی چارے اور خیر سگالی کے جذبات کو فروغ دیتاہے،  پاکستان میں تمام اقلیتوں کو مکمل تحفظ اور مذہبی آزادی حاصل ہے۔

چیئرمین پی پی بلاول بھٹواور شریک چیئرمین آصف زرداری نے ہندو برادری کوہولی کی مبارکباد دی ، بلاول بھٹو کا کہنا ہے آئیں ہولی پرامن اورخوشی کاپیغام پھیلائیں جبکہ آصف زرداری نے کہا ہمارا دین مذہبی آزادی کا درس دیتا ہے۔

خیال رہے ہندو برادری کا مشہور تہوار ہولی آج منایا جارہا ہے، اس روز لوگ سفید لباس پہن کر سڑکوں پر نکل آتے ہیں اور ایک دوسرے پر رنگ پھینک کر محفوظ ہوتے ہیں۔

واضح رہے قومی اسمبلی میں مسلم لیگ کے رکن قومی اسمبلی رمیش کمار نے ایک قرارداد پیش کی تھی، جس میں ہولی، دیوالی اورایسٹر کے موقع پراقلیتوں کو چھٹی دیئے جانے کا مطالبہ کیا گیا تھا، جیسے منظور کرلیا گیا تھا۔

Comments

comments

یہ بھی پڑھیں