تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

پاک چین سفارتی تعلقات کے70 سال مکمل، وزیراعظم اورچینی ہم منصب کا دوستی کو مزید مضبوط بنانے کے عزم کا اعادہ

اسلام آباد : وزیراعظم عمران خان اورچینی ہم منصب نے پاک چین سفارتی تعلقات کے 70 سال مکمل ہونے پر ایک دوسرے کو مبارکباد دیتے ہوئے دوستی کو مزید مضبوط بنانے کے عزم کا اعادہ کیا۔

تفصیلات کے مطابق وزیراعظم عمران خان اورچینی ہم منصب کا ٹیلی فون پررابطہ ہوا، جس میں پاک چین تعلقات کے 70سال مکمل ہونے پر تبادلہ خیال کیا گیا۔

دونوں رہنماؤں نے پاک چین سفارتی تعلقات کی 70ویں سالگرہ پر ایک دوسرے کو مبارکباد دیتے ہوئے دوطرفہ تعلقات اور کوروناویکسین کے معاملےمیں تعاون بڑھانے پر اتفاق کیا جبکہ رابطےکےدوران سی پیک منصوبے سے متعلق بھی تبادلہ خیال کیا گیا۔

وزیراعظم نے ویکسین فراہمی میں چین کی پاکستان کو جاری مدد اور ویکسین کی تیاری کے عمل میں سہولت فراہم کرنے پر شکریہ ادا کرتے ہوئے کہا چین کاتعاون کورونا کےمقابلہ کےلیےپاکستان کی کوششوں کومزیدتیزکرےگا۔

دونوں رہنماؤں نے اسٹریٹجک تعاون کے فروغ کیلئے اعلی سطح رابطے جاری رکھنے پر زور دیتے ہوئے پاک چین دوطرفہ تعلقات کو مزید مستحکم کرنے کے عزم کا اعادہ کیا۔

وزیراعظم نے چینی ہم منصب کو مریخ پر خلائی جہاز کی کامیاب لینڈنگ پرمبارکباد دیتے ہوئے کہا مریخ پرخلائی جہاز کی لینڈنگ چین کی بڑھتی ہوئی تکنیکی قابلیت ظاہرکرتی ہے۔

عمران خان کا کہنا تھا کہ دونوں ممالک میں تعلقات کی مضبوطی کےلیےاجتماعی اور انتھک کوشش کی گئی، دونوں ملکوں نےتعلقات آل ویدراسٹریٹجک کوآپریٹوپارٹنرشپ میں تبدیل کردیے،وزیراعظم

پاک چین اقتصادی راہداری اور بیلٹ اینڈ روڈانیشی ایٹو فلیگ شپ منصوبہ ہے، منصوبے سے معاشی سرگرمیوں میں اضافہ اور روزگار کو فروغ ملے گا اور دوطرفہ اور علاقائی تجارت میں مزید اضافہ ہوگا۔

خیال رہے سال 2021 پاکستان اور چین کے درمیان سفارتی تعلقات کا70 واں سال ہے۔

Comments

- Advertisement -