site
stats
اہم ترین

ملک کے خلاف سازشیں کرنا چھوڑ دو: وزیر اعظم کی ناقدین کو تنبیہہ

شیخوپورہ: وزیر اعظم نواز شریف نے کہا ہے کہ میں نے قوم سے سچ بولا، قوم نے ووٹ دے کر ہم پر اعتماد کیا۔

وزیر اعظم نواز شریف نے بھکی پاور پلانٹ کی افتتاحی تقریب سے خطاب کرتے ہوئے کہا کہ کچھ لوگوں کا پاکستان کی ترقی کے ساتھ کوئی تعلق نہیں ہے۔ میں نے قوم سے سچ بولا اور قوم نے ووٹ دے کر ہم پر اعتماد کیا۔

وزیر اعظم کا کہنا تھا کہ بھکی پاور پلانٹ ملک میں توانائی بحران کے خاتمے کے لیے مددگار ثابت ہوگا۔ اس موقع پر انہوں نے ایک بار پھر اپنی حکومت کے توانائی بحران کو ختم کرنے کا عزم دہرایا۔

انہوں نے واضح کیا کہ یہ میگا پروجیکٹس نہ صرف قومی ترقی کو آگے بڑھا رہے ہیں، بلکہ ان کی تعمیر کے دوران کفایت شعاری کے ذریعہ ایک بڑی رقم بھی بچائی جارہی ہے۔

نواز شریف نے کہا کہ ملک آگے بڑھ رہا ہے تو عوام آئیں اور ہمارا ہاتھ بٹائیں۔

وزیر اعظم کا کہنا تھا کہ ملک سے دہشت گردی کے خاتمے کی کوششیں رنگ لا رہی ہیں۔ کراچی کو پرامن شہر بنانے کے لیے کوششیں کی ہیں۔ وزیر اعظم نے مخالفین کو تنبیہہ کرتے ہوئے کہا کہ ملک کے خلاف سازشیں کرنا چھوڑ دو۔

اپنے خطاب سے قبل وزیر اعظم نے بھکی پاور پلانٹ کے مختلف حصوں کا دورہ کیا اور ترقیاتی کام کا جائزہ لیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top