site
stats
پاکستان

تعلیمی میدان کو فراموش کرنے پر تاریخ ہمیں معاف نہیں کرے گی: وزیر اعظم

اسلام آباد: وزیر اعظم میاں محمد نواز شریف کا کہنا ہے کہ آج ہم جہالت کی زنجیروں میں جکڑے ہوئے ہیں۔ تعلیمی میدان کو فراموش کرنے پر تاریخ ہمیں کبھی معاف نہیں کرے گی۔ ہمارے مستقبل کا دارو مدار سائنس اور ریاضی میں مہارت پر ہے۔

تفصیلات کے مطابق اسلام آباد میں پاکستان الائنس فار میتھ اینڈ سائنس کی کانفرنس منعقد ہوئی جس میں وزیر اعظم بطور مہمان خصوصی شریک تھے۔

تقریب سے خطاب کرتے ہوئے وزیر اعظم نے کہا کہ ہمیں چیلنجز کے باوجود اختلافات سے بالاتر ہو کر تعلیم پر توجہ دینا ہوگی۔ تاریخ میں بہت بڑے بڑے مسلمان سائنسدان اور موجد پیدا ہوئے۔ بوعلی سینا اور البیرونی جیسے عظیم مسلمان سائنسدانوں نے سائنسی ترقی میں کلیدی کردار ادا کیا۔

اپنے خطاب میں وزیر اعظم نے کہا کہ برصغیر کی تاریخ میں سیاسی اور سماجی بیداری کی مہم میں سرسید احمد خان نے انتھک محنت کی۔ ہمارے دقیانوسی اور غیر سائنسی طریقہ کار سے معیشت اور صنعت آگے نہیں بڑھ سکتی۔

انہوں نے زور دیا کہ آج بھی ضروری ہے کہ بچوں کے مستقبل کے لیے مل کر لائحہ عمل مرتب کیا جائے ورنہ تاریخ ہمیں معاف نہیں کرے گی۔

وزیر اعظم کا مزید کہنا تھا کہ آج کی تقریب کا موضوع بہت اہم ہے۔ انہوں نے کہا کہ وہ آج کی تقریب میں ذاتی دلچسپی کے ساتھ شریک ہوئے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top