The news is by your side.

Advertisement

وزیر اعظم عمران خان کی ورلڈ بینک کو مختلف شعبوں میں شراکت داری کی پیش کش

اسلام آباد: ورلڈ بینک کے حکام نے حکومت کی معاشی پالیسیوں پر اعتماد کا اظہار کرتے ہوئے یقین دہانی کروائی ہے کہ پاکستان کو مختلف منصوبوں کی مد میں ملنے والے فنڈز میں کمی نہیں آئے گی، وزیراعظم نے عالمی بینک کو سیاحت سمیت مختلف شعبوں میں شراکت داری کی پیش کش بھی کی۔

تفصیلات کےمطابق اسلام آباد میں امریکا میں تعینات ورلڈ بینک جنوبی ایشیا کے نائب صدر ہارٹ وگ شیفر کی سربراہی میں ایک وفد نے وزیراعظم پاکستان سے ملاقات کی۔

دوران ملاقات عالمی بینک وفدکاحکومتی معاشی پالیسیوں پراعتمادکااظہار کرتے ہوئے جاری منصوبوں میں مالی معاونت اور مختلف منصوبوں میں منصوبوں میں فنڈز کا سلسلہ جاری رکھنے کی یقین دہانی کروائی۔

ورلڈ بینک کے وفد نے مختلف منصوبوں میں پاکستان کے ساتھ مل کر کام کرنے کی خواہش کا بھی اظہار کیا جس کا وزیراعظم عمران خان نے خیر مقدم کیا۔

اس موقع پر عمران خان کا کہنا تھا کہ پاکستان سرمایہ کاری کے لیے مثالی ملک بن چکا ہے، ترقیاتی منصوبے مکمل ہونے سے خوشحالی اور اعتماد سازی کو فروغ ملےگا۔

عمران خان کا کہنا تھا کہ ’پاکستان بھی ورلڈ بینک کے ساتھ مختلف منصوبوں پر کام کرنے کا خواہش مند ہے، ہم ماحول، سیاحت اور مذہبی سیاحت میں مل کر کام کرنا چاہتے ہیں‘۔

ورلڈ بینک کے نائب صدر نے غربت کے خاتمے اور معاشی پالیسیوں کو سراہتے ہوئے اعتراف کیا کہ پاکستان میں اب کاروبار کے اچھے مواقع موجود ہیں۔

Comments

comments

یہ بھی پڑھیں