The news is by your side.

Advertisement

وزیراعظم عمران خان نے وفاقی کابینہ کا اجلاس یکم اکتوبر کو طلب کرلیا

اسلام آباد : وزیراعظم عمران خان نے وفاقی کابینہ کا اجلاس یکم اکتوبر کو طلب کرلیا، جس میں وزیراعظم جنرل اسمبلی خطاب سے متعلق اور عالمی رہنماؤں سے ملاقاتوں پر کابینہ کواعتماد میں لیں گے۔

تفصیلات کے مطابق وزیراعظم عمران خان کی زیر صدارت وفاقی کابینہ کااجلاس یکم اکتوبرکو ہوگا ، کابینہ کا 16نکاتی ایجنڈا جاری کردیا گیا ہے، عمران خان جنرل اسمبلی خطاب سے متعلق اور عالمی رہنماؤں سے ملاقاتوں پر کا بینہ کو اعتماد میں لیں گے

اجلاس میں مقبوضہ کشمیرکی تازہ صورتحال اور فیصلوں پر عملدرآمد کا جائزہ لیا جائے گا۔

وفاقی کابینہ عوامی مفاد کے نئے منصوبوں پر غور کرے گی اور ای سی سی کے فیصلوں کی توثیق کرے گی جبکہ کمیٹی برائے نجکاری کے فیصلوں کی بھی توثیق کی جائے گی۔

اجلاس میں حلال اتھارٹی سے متعلق فیصلوں پر عملدرآمد کا جائزہ لیا جائے گا اور کونسل ریسرچ واٹر ریسورسز کو وزارت کے زیرانتظام کرنے اور نیکٹا کو وزارت کے ماتحت کرنے کیلئے رولز آف بزنس میں ترمیم پر غور ہوگا۔

کابینہ اجلاس میں ای کامرس پالیسی فریم ورک ، یونائٹڈنیشنز ورلڈ ٹورازم آرگنائزیشن کی چینی بطور آفیشل زبان کا جائزہ لیا جائے گا جبکہ ریئل اسٹیٹ آرڈیننس2019 اور نادرا کے آڈٹ کی بھی منظوری دی جائے گی۔

کونسل سائنس اینڈ ٹیکنالوجی کے بورڈ آف گورنرز کے لئے ناموں کی منظوری اور غیر قانونی تمباکو روکنے کے لیے اقدامات پر بریفنگ بھی ایجنڈے میں شامل ہیں جبکہ کراچی پورٹ ٹرسٹ کی کثیر المنزلہ عمارتوں کی تعمیر پر بریفنگ دی جائے گی۔

Comments

comments

یہ بھی پڑھیں