khaqan ای سی ایل میں نام شامل اورنکالنے سے متعلق ذیلی کمیٹی تشکیل
The news is by your side.

Advertisement

ای سی ایل میں نام شامل کرنے اورنکالنے سے متعلق ذیلی کمیٹی تشکیل

حکومت نے ای سی ایل میں نام ڈالنے اور نکالنے کا فیصلہ کرنے کیلئے ذیلی کمیٹی تشکیل دے دی، پارکو اور پی ایم ڈی سی کے بورڈ آف ڈائریکٹرز کی بھی منظوری دے دی گئی۔

تفصیلات کے مطابق اسلام آباد میں وفاقی کابینہ کا اجلاس وزیراعظم شاہد خاقان عباسی کی زیر صدارت ہوا، اجلاس میں ایگزٹ کنٹرول لسٹ (ای سی ایل) میں نام شامل کرنے اور نکالنے کے حوالے سے امور کا جائزہ لینے کے لئے ذیلی کمیٹی تشکیل دینے کے علاوہ پارکو اور پی ایم ڈی سی کے بورڈ آف ڈائریکٹرز کی بھی منظوری دے دی گئی۔

اجلاس میں لاہور اور راولپنڈی کی خصوصی عدالتوں میں ججز کی تعیناتی کی منظوری دی گئی جبکہ ممبر ٹیکنیکل کسٹم ایپلیٹ ٹریبونل بنچ دو لاہور کی ڈیپوٹیشن کی مدت میں توسیع کی سمری بھی منظوری کر لی گئی۔

اجلاس میں جنگلات کے شعبے میں پاکستان اور چین، تنزانیہ کے ساتھ مشترکہ اقتصادی کمیشن، جنوبی افریقہ کے ساتھ مشترکہ کمیشن کے قیام، سری لنکا کے ساتھ سیاحت کے فروغ، جیمز اینڈ جیولری ڈیپارٹمنٹ کے حوالے سے تعاون برازیل کے ساتھ صحت کے شعبے میں تعاون اوت متبادل توانائی کے شعبے مین پاک جرمنی فورم کے قیام کے حوالے سے معاہدوں کی منظوری دی گئی۔

انڈسٹریل ڈیویلپمنٹ کارپوریشن کے سی ای او کے کنٹریکٹ میں توسیع اور مائیکرو فنانس کے شعبے میں اسٹیٹ بینک میں فنڈ کے قیام کی بھی منظوری دے دی گئی۔

مزید پڑھیں: شریف خاندان کے نام ای سی ایل میں ڈالنے کا معاملہ، فائل پیش کرنے پر وزیر داخلہ برہم

اسکے علاوہ گہرے سمندر میں مچھلی کے شکار کے لائسنس کے حوالے سے نئی پالیسی کی بھی منظوری دی گئی جبکہ نیشنل کالج آف آرٹس لاہور اور راولپنڈی اور بیرون ممالک کے تعلیمی اداروں میں پاکستان چیئر کےلئے سکالرز کی سلیکشن کا اختیار وفاقی وزارت تعلیم اور پروفیشنل ٹریننگ کو دے دیا گیا۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔  

Comments

comments

یہ بھی پڑھیں