The news is by your side.

Advertisement

وزیراعظم سے ایمنسٹی انٹرنیشنل کے سیکریٹری جنرل کی ملاقات

نیویارک: وزیراعظم عمران خان نے مقبوضہ کشمیر میں انسانی حقوق کی حقیقی صورت حال پیش کرنے اور کشمیریوں کی آواز کو بلند کرنے میں اہم کردار ادا کرنے پر ایمنسٹی انٹرنیشنل کے کردار کو سراہا ہے۔

تفصیلات کے مطابق نیویارک میں وزیراعظم عمران خان سے ایمنسٹی انٹرنیشنل کے سیکریٹری جنرل کومی نائیڈو نے ملاقات کی جس میں مقبوضہ کشمیر میں انسانی حقوق کی خلاف ورزیوں پر تبادلہ خیال کیا گیا۔

وزیراعظم نے مقبوضہ کشمیر میں انسانی حقوق کی خلاف ورزیوں کو بین الاقوامی سطح پر اجاگر کرنے میں ایمنسٹی انٹرنیشنل کے کردار کوا سراہا۔

وزیراعظم عمران خان نے کشمیری نوجوانوں پر بھارتی فوج کی پیلٹ گنوں کے استعمال کے تباہ کن اثرات پر ایمنسٹی کی رپورٹ کو بھی سراہا۔

سیکریٹری جنرل ایمنسٹی انٹرنیشنل نے وزیراعظم کو بھارتی حکومت کی جانب سے مقبوضہ جموں وکشمیر میں انسانی حقوق کی تنظیموں کی عوام تک رسائی اور ان کے کام میں ڈالی جانے والی رکاوٹوں سے آگاہ کیا۔

کومی نائیڈو نے کشمیر کو بولنے دو مہم کے تحت ایمنسٹی انٹرنیشنل کے اقدامات اور ماحولیات کے لیے ایمنسٹی کے کام سے بھی آگاہ کیا۔

واضح رہے کہ وزیراعظم عمران خان سات روزہ دورے پر امریکا میں موجود ہیں جہاں وہ آج امریکی صدر ڈونلڈ ٹرمپ سے ملاقات کریں گے اور 27 ستمبر کو اقوام متحدہ کی جنرل اسمبلی اجلاس سے خطاب کریں گے۔

Comments

comments

یہ بھی پڑھیں