اسلام آباد: وزیراعظم شہباز شریف کا کہنا ہے کہ سعودی عرب کےحالیہ دورے سے دوستی کا مثالی دور شروع ہوگا۔
اے آر وائی نیوز کے مطابق سعودی عرب روانگی سے قبل اہم ویڈیو پیغام میں وزیراعظم شہباز شریف نے کہا کہ میں اپنا پہلا دورہ سعودی عرب کا کررہا ہوں، پاکستان سعودی عرب کیساتھ تعلقات کو خصوصی اہمیت دیتاہے ، حالیہ دورے سے دوستی کا مثالی دور شروع ہوگا۔
وزیراعظم نے کہا کہ پاکستان سعودی عرب کیساتھ تعلقات کو خصوصی اہمیت دیتاہے، دونوں ملکوں کے تعلقات کی بنیاد باہمی تعاون،اعتماد پر مبنی ہے۔
وزیراعظم شہبازشریف نے اپنے ویڈیو پیغام میں کہا کہ سعودی ولی عہد کی قیادت میں سعودی عرب تیزی سے ترقی کررہا ہے انہوں نے سعودی عرب میں مقیم پاکستانیوں کیلئے نیک خواہشات کا اظہار کیا۔
سعودی عرب روانگی سے قبل وزیراعظم شہباز شریف نے سماجی رابطے کی سائٹ ٹوئٹر پر بیان میں کہا تھا کہ دورے کے دوران سعودی قیادت کے ساتھ کثیرالجہتی مذاکرات کروں گا۔
Today I am embarking on a visit to Saudi Arabia to renew & reaffirm our bonds of brotherhood & friendship. I will have wide-ranging discussions with Saudi leadership. KSA is one of our greatest friends & as Custodian of the Two Holy Places, has a special place in all our hearts.
— Shehbaz Sharif (@CMShehbaz) April 28, 2022
انہوں نے کہا کہ سعودی عرب ہمارے عظیم دوستوں میں سے ایک ہے، خادم حرمین شریفین کا ہمارے دلوں میں ایک خاص مقام ہے، ان کا یہ بھی کہنا تھا کہ دورے کے دوران بھائی چارے اور دوستی کے رشتوں کی تجدید کا اعادہ کرنا ہے۔
