The news is by your side.

Advertisement

لاہور: وزیر اعظم کی زیر صدارت ترقیاتی منصوبوں کے حوالے سے اجلاس

لاہور: وزیر اعظم نواز شریف کی زیر صدارت گورنر ہاؤس لاہور میں امن و امان اور ترقیاتی منصوبوں کے حوالے سے اعلیٰ سطح کا اجلاس ہوا۔

وزیر اعظم کی صدارت میں ہونے والے اجلاس میں گورنر پنجاب، وزیر اعلیٰ پنجاب، وفاقی وزیر خزانہ، وزیر داخلہ اور دیگر وزرا شریک تھے۔ اجلاس میں پرائم منسٹر گلوبل سسٹین ایبل ڈولپمنٹ پروگرام میں پیش رفت پر غور کیا گیا۔

وزیر اعظم کا کہنا تھا کہ حکومت اپنے مشن کی جانب کامیابی سے بڑھ رہی ہے۔ گلوبل سسٹین ایبل ڈولپمنٹ (پائیدار ترقی) پروگرام سےعوام کا معیار بلند ہوگا۔

مزید پڑھیں: دنیا کے مستقبل کے لیے پائیدار ترقیاتی اہداف

وزیر اعظم نے اجلاس میں کہا کہ بجلی کے انفرااسٹرکچر، گیس اور قدرتی ذخائر، نئے اسکولوں کے قیام اور پرانے اسکولوں میں سہولیات کی فراہمی کرنا حکومت کی ترجیحات میں شامل ہے۔

وزیر اعظم نے بنیادی اور ریجنل طبی مراکز کے قیام، موجود طبی مراکز کی اپ گریڈیشن اور زرعی فارمز سے مارکیٹوں تک سڑکوں کی تعمیر کی بھی ہدایت کی۔ انہوں نے ترقیاتی منصوبوں میں پیش رفت اور شفافیت کو یقینی بنانے کے لیے وزیر اعلیٰ شہباز شریف کی کوششوں کو بھی سراہا۔

Print Friendly, PDF & Email

Comments

comments

یہ بھی پڑھیں