The news is by your side.

Advertisement

وزیر اعظم کی چینی ہم منصب سے ملاقات، کئی معاہدوں پر دستخط

بیجنگ: وزیر اعظم پاکستان نواز شریف نے اپنے دورہ چین میں چینی رہنماؤں اور چینی ہم منصب لی کی چیانگ سے ملاقات کی۔

تفصیلات کے مطابق وزیر اعظم نواز شریف نے چین میں اپنے 6 روزہ دورے کے پہلے دن چینی ہم منصب لی کی چیانگ سے ملاقات کی۔

دونوں وزرائے اعظم کی ملاقات میں کئی اہم معاہدوں پر دستخط ہوئے اور پاکستان اور چین کے دو طرفہ تعلقات سے متعلق امور پر گفتگو ہوئی۔

ملاقات میں اقتصادی راہداری منصوبے پر پیش رفت کا بھی جائزہ لیا گیا۔ اس موقع پر وزیر اعظم نے کہا کہ پاکستان بیلٹ اینڈ روڈ فورم کی مکمل حمایت کرتا ہے۔

وزیر اعظم کا کہنا تھا کہا کہ پاکستانی وفد میں چاروں وزرائے اعلیٰ شامل ہیں جو اس بات کا ثبوت ہے کہ پاک چین اقتصادی راہداری کے لیے ہم سب ایک ہیں اور سی پیک کے ترجیحی منصوبوں کی جلد تکمیل چاہتے ہیں۔

pm-china

انہوں نے کہا کہ دنیا کے اہم رہنماؤں کی فورم میں شرکت خوش آئند عمل ہے۔

چینی وزیر اعظم نے بیلٹ اینڈ روڈ فورم میں شرکت پر وزیر اعظم نواز شریف کاخیر مقدم اور شکریہ بھی ادا کیا۔

یاد رہے کہ وزیر اعظم 6 روزہ دورے پر چین میں ہیں جس کے بعد وہ ہانگ کانگ بھی جائیں گے۔ وزیر اعظم کے وفد میں چاروں صوبوں کے وزرائے اعلیٰ سمیت اسحاق ڈار، احسن اقبال، خرم دستگیر، خواجہ سعد رفیق، انوشے رحمان اور دیگر شامل ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں