The news is by your side.

Advertisement

بھارت کی ہٹ دھرمی، مودی کے طیارےکیلئے پاکستانی فضائی حدود استعمال نہ کرنے کا اعلان

اسلام آباد : بھارت کی ہٹ دھرمی برقرار ہے ، پاکستان کی جانب سے مودی کے طیارے کیلئے فضائی حدود کی اجازت ملنے پر بھارت نے اومان ایران کے راستے جانے کا اعلان کردیا۔

تفصیلات کے مطابق پاکستان کی اخلاقیات اورخیرسگالی کے اظہار پر بھارت میں نہ مانوں کی پالیسی پر عمل پیرا ہے ، پاکستان کی جانب سے فضائی حدود کے استعمال کی اجازت ملی تو بھارت نے ہٹ دھرمی کا مظاہرہ کرتے ہوئے راستہ تبدیل کردیا۔

پاکستان سے اجازت ملنے پر بھارت نے شنگھائی تعاون تنظیم سربراہ اجلاس میں بھارتی وزیر اعظم نریندر مودی کی شرکت کے لئے اومان ایران کے راستے جانے کا اعلان کردیا۔

ذرائع کا کہنا ہے کہ مودی کاجہازپھر بھی کچھ دیرکیلئےپاکستانی فضائی حدودمیں ہوگا۔

بھارت نے مودی کے طیارے کیلئےفضائی حدودکی اجازت مانگی تھی، یہ درخواست شنگھائی تعاون تنظیم سربراہ اجلاس میں بھارتی وزیر اعظم نریندر مودی کی شرکت کے تناظر میں کی گئی تھی۔

مزید پڑھیں : پاکستان نے مودی کے طیارے کو فضائی حدود سے گزرنے کی اجازت دے دی

بھارت نے درخواست میں موقف اختیار کیا تھا کہ بھارتی وزیر اعظم نریندر مودی 13 جون کو بشکک جانے کے لئے پاکستانی فضائی حدود سے گزرنا چاہتے ہیں، طیارے کو فضائی حدود سے گزرنے دیا جائے۔

بعد ازاں پاکستان نے بھارتی وزیراعظم نریندر مودی کو پاکستان کی فضائی حدود استعمال کرنے کی اجازت دیتے ہوئے فیصلے سے سول ایوی ایشن اتھارٹی کو آگاہ کر دیا گیا تھا۔

واضح رہے فروری میں پاک بھارت کشیدگی کے باعث پاکستان کی فضائی حدود بند کردی گئی تھی ، بعد ازاں سول ایوی ایشن اتھارٹی نے جنوبی ایشیاء کی جانب سے پاکستان کی فضائی حدود کھول دی تھی اور کہا تھا بھارت کی جانب سے پاکستان میں داخل ہونے والی فضائی حدود تاحال بند رہے گی۔

Comments

comments

یہ بھی پڑھیں