اسلام آباد : وزیر اعظم عمران خان کو بھارتی وزیراعظم کا پیغام موصول ہوا ہے، اپنے پیغام میں نریندر مودی نے یوم پاکستان پرنیک خواہشات کا اظہار کیا، عمران خان نے ان کے پیغام کا خیر مقدم کیا ۔
تفصیلات کے مطابق گزشتہ دنوں پاک بھارت کشیدگی کے موقع پر وزیر اعظم عمران خان کی جانب سے کشیدگی کے خاتمے کیلیے کیے گئے مؤثر اقدامات نے حالات کا رخ موڑ دیا۔
یوم پاکستان 23مارچ کے موقع پر بھارتی وزیراعظم نریندر مودی کی جانب سے وزیر اعظم عمران خان کے نام پیغام موصول ہوا ہے، بھارتی وزیر اعظم نے اپنے پیغام میں یوم پاکستان پر نیک خواہشات کا اظہار کیا۔
سماجی رابطے کی ویب سائٹ ٹوئٹر پر وزیراعظم عمران خان نے بھارتی وزیر اعظم نریندر مودی کے پیغام کی اطلاع دی ہے۔
Received msg from PM Modi: "I extend my greetings & best wishes to the people of Pakistan on the National Day of Pakistan. It is time that ppl of Sub-continent work together for a democratic, peaceful, progressive & prosperous region, in an atmosphere free of terror and violence”
— Imran Khan (@ImranKhanPTI) March 22, 2019
ان کا کہنا تھا کہ پاکستانی عوام کو یہ دن مبارک ہو اب وقت آگیا ہے کہ برصغیر کے عوام امن اور خطے کیلئے مل جل کر کام کریں، ایک ایسا ماحول پیدا کریں جو دہشت گردی اور تشدد سے پاک ہو۔
وزیراعظم عمران خان نے بھارتی ہم منصب کے پیغام کا خیرمقدم کیا ہے ان کا کہنا ہے کہ نریندرمودی کے پاکستانی عوام کیلئے نیک خواہشات کے پیغام کا خیرمقدم کرتا ہوں۔
I welcome PM Modi's message to our people. As we celebrate Pakistan Day I believe it is time to begin a comprehensive dialogue with India to address & resolve all issues, esp the central issue of Kashmir, & forge a new relationship based on peace & prosperity for all our people.
— Imran Khan (@ImranKhanPTI) March 22, 2019
وزیراعظم عمران خان نے ایک بار پھر بھارت کو مذاکرات کی پیشکش کرتے ہوئے کہا ہے کہ یوم پاکستان پر پاکستان اور بھارت کو مذاکرات شروع کرنے چاہئیں۔
مذاکرات میں خاص طور پر مسئلہ کشمیر کے حل کیلئے پیشرفت ہونی چاہیے، وقت آگیا ہے کہ کشمیر سمیت تمام مسائل کے حل کیلئے جامع مذاکرات ہوں، دونوں ملکوں کو امن اور خوشحالی کیلئے نئےتعلقات کاباب کھولنا ہوگا۔
