امریکی تاجر پاکستان کے قابل اعتماد شراکت دار ہیں، وزیراعظم نوازشریف -
The news is by your side.

Advertisement

امریکی تاجر پاکستان کے قابل اعتماد شراکت دار ہیں، وزیراعظم نوازشریف

واشنگٹن : وزیراعظم نوازشریف نے کہا ہے کہ امریکی تاجر پاکستان کے قابل اعتماد شراکت دار ہیں، پاکستان سرمایہ کاروں کےلیے پرکشش مارکیٹ بن چکا ہے، ان کا کہنا تھا کہ وہ پاکستانی مصنوعات کی امریکی منڈیوں تک رسائی کے خواہاں ہیں ۔

واشنگٹن میں وزیر اعظم نواز شریف کے اعزاز میں پاک امریکا بزنس فورم نے ظہرانہ دیا، وزیرِاعظم نواز شریف کا امریکا میں پاک امریکا بزنس فورم سے خطاب کرتے ہوئے کہنا تھا کہ بزنس کونسل کا دو طرفہ تعاون قابل تعریف ہے، دہشت گردی کے خلاف جاری آپریشن کے مثبت نتائج آرہے ہیں ، معاشی ترقی میں اضافہ ہوا ہے, جس کا اعتراف دنیا بھرمیں کیا جارہا ہے ۔

وزیراعظم کا کہنا تھا کہ پاکستان ہمسائیوں سے پرامن اور اچھے تعلقات کا خواہشمند ہے، پاک چین اقتصادی راہداری سے خطے میں خوشحالی آئیگی، ان کا کہنا تھا کہ شاہراہوں کے ذریعے خطے کے ممالک کو ملانا ان کی حکومت کا وژن ہے، پاکستان علاقائی ممالک کے درمیان تجارت کوفروغ دینا چاہتا ہے ۔

ان کا مزید کہنا تھا کہ پاکستان ترقی کی راہ پر گامزن ہے، عالمی مالیاتی ادارے اور ریٹنگ ایجنسیاں ہماری کارکردگی کو سراہتی ہیں، انہوں نےملک میں بجلی کی لوڈشیڈنگ ختم کرنے کے عزم کابھی اعادہ کیا۔

Comments

comments

یہ بھی پڑھیں