وزیر اعظم نے کسانوں کیلئے341ارب روپے کے مراعاتی پیکج کا اعلان کر دیا -
The news is by your side.

Advertisement

وزیر اعظم نے کسانوں کیلئے341ارب روپے کے مراعاتی پیکج کا اعلان کر دیا

اسلام آباد: وزیر اعظم نے کسانوں اور زرعی شعبے کیلئے تین سو اکتالیس ارب روپے کے مراعاتی پیکج کا اعلان کر دیا، وزیرِاعظم کا کہنا ہے کہ کسان کی خوشحالی سے ملک کی خوشحالی وابستہ ہے۔

مراعاتی پیکج کے اعلان کی تقرب سے خطاب کرتے ہوئے وزیرِاعظم کا کہنا تھا کہ پیسہ بنانے نہیں آئے،جیب سے خرچ کرکے معاملات چلاتے ہیں، کچھ لوگ چاہتے ہیں ہم جائیں اوروہ آئیں، اپنے معاملات پر سرکاری فنڈ سےخرچ نہیں کرتے۔ سرکاری خزانہ قوم کی امانت ہے۔قوم کی خوشحالی کیلئے دن رات کام کر رہے ہیں۔

وزیرِاعظم نے مزید بتایا کہ حکومت کسانوں کو آسانیاں پہچانے کیلئے کوشاں ہے، یہ مراعاتی پیکج چار حصوں پر مشتمل ہیں، زرعی مشینری کی درآمد پر ٹیکس تینتالیس فیصد سے کم کر کے نو فیصد کر دیا گیا ہے، کپاس اور چاول کے چھوٹے کسانوں کو نقد امداد بھی دی جائے گی، کھاد کی قیمت کو کم کرنے کیلئے حکومت بیس ارب روپے کا فنڈ قائم کر رہی ہے۔

  نواز شریف نے بتایا کہ رواں مالی سال کیلئے زرعی قرضوں میں سو ارب روپے کا اضافہ کیا ہے جبکہ چھوٹے کاشتکاروں کے زرعی قرضوں پر حکومت بینکوں کو گارنٹی بھی فراہم کرے گی۔

انہوں نے مزید کہا یہ پیکج حکومت کا فرض ہے کسانوں پر کوئی احسان نہیں۔

Comments

comments

یہ بھی پڑھیں