قومی کرکٹ ٹیم کو انعامی رقم دینے کا وزیراعظم کا اعلان چیلنج -
The news is by your side.

Advertisement

قومی کرکٹ ٹیم کو انعامی رقم دینے کا وزیراعظم کا اعلان چیلنج

اسلام آباد: قومی کرکٹ ٹیم کوانعامی رقم دینے کا وزیراعظم کا اعلان اسلام آبادہائیکورٹ میں چیلنج کردیا گیا۔

تفصیلات کے مطابق اسلام آباد ہائی کورٹ میں وزیراعظم نواز شریف کی جانب سے چیمپئینز ٹرافی جیتنے پر قومی کرکٹ ٹیم کو انعامی رقم دینے کا اعلان چیلنج کردیا گیا ہے۔

اسلام آباد ہائی کورٹ کے جسٹس عامر فاروق نے درخواست کی سماعت کی، سماعت کے دوران جسٹس عامر فاروق کا کہنا تھا کہ بتایا جائے وزیراعظم کس قانون کے تحت رقم کھلاڑیوں کو دے سکتے ہیں، بتایا جائے وزیراعظم کتنی رقم دے سکتے ہیں۔

عدالت نے رقم دینے سے متعلق ڈپٹی اٹارنی جنرل کو کل تک متعلقہ قوانین پیش کرنے کی ہدایت کرتے ہوئے سماعت کل تک ملتوی کردی۔

درخواست گزار کی جانب سے عدالت سے استدعا کی گئی ہے کہ 22 کروڑ کی خطیر رقم ٹیکس کے پیسے سے کیوں بانٹی جارہی ہے، کھلاڑی تنخواہ اور دیگر میچ فیس بھی لیتے ہیں لہذا عدالت معاملے پر حکم امتناع جاری کرے اور وزیراعظم کو ٹیکس کا پیسہ بانٹنے سے روکے۔


مزید پڑھیں : چمپیئنز ٹرافی میں فتح ، وزیر اعظم کا ہرکھلاڑی کیلئےایک کروڑروپےکا اعلان


خیال رہے کہ چمپیئنز ٹرافی کا اعزاز حاصل کرنے والی پاکستانی ٹیم کیلئے وزیراعظم نے ہر کھلاڑی کو ایک کروڑ روپے انعام دینے کا اعلان کیا تھا۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئر کریں۔

Comments

comments

یہ بھی پڑھیں