The news is by your side.

Advertisement

وزیراعظم کاپاراچنار دھماکوں میں شہدا کے ورثاکے لیے10،10لاکھ روپے کا اعلان

اسلام آباد : وزیراعظم نواز شریف نے پارا چنار دھماکوں میں شہدا کے ورثا کے لیے دس دس لاکھ روپے جبکہ زخمی افراد کے لیے پانچ پانچ لاکھ روپے امداد کا اعلان کیا۔

تفصیلات کے مطابق وزیراعظم نوازشریف نے گورنر خیبرپختونخوا اقبال ظفر جھگڑا سے ٹیلی فونک رابطہ کیا اور پارہ چنار دھماکے سے متاثر ہونے والے خاندانوں سے متعلق گفتگو کی اور سانحے میں شہید ہونے والوں کیلئے دعائے مغفرت اور ان کے بلند درجات کیلئے دعا کی ۔

اس موقع پر وزیراعظم نے پارا چنار دھماکے میں شہید ہونے والے افراد کے ورثا کو 10، 10 لاکھ روپے جبکہ زخمیوں کے لیے ،5 5لاکھ روپے دینے کا اعلان کیا۔

وزیراعظم نواز شریف نے امدادی معاوضوں کی فوری ادائیگی کے لئے گورنر کے پی کو ہدایت جاری کردی۔

دوسری جانب اسلام آباد میں سانحہ پاراچنار کے متاثرین اورسول سوسائٹی نے پریس کلب پر احتجاج کیا، سینیٹرفرحت اللہ بابر نے احتجاج میں شرکت کی، فرحت اللہ بابر کا کہنا تھا وزیر اعظم کو پاراچنار جا کر حالات کا جائزہ لینا چاہیے اور معاملے پر جوڈیشل انکوائری کرنی چاہئے۔

پیپلز پارٹی کے رہنما راجہ عمران اشرف کا کہنا تھا جب تک مظاہرین کے مطالبات پورے نہیں ہوتے میں اور میری پارٹی احتجاج میں شامل رہے گی۔

واضح رہے کہ پارا چنار سبزی منڈی میں ہونے والے دھماکوں کے نتیجے میں اب تک 55 افراد شہید ہوچکے ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں