کراچی : وزیرِاعظم نوازشریف کل کراچی کا دورہ کریں گے، ان کے ساتھ آرمی چیف جنرل راحیل شریف کی آمد بھی متوقع ہے۔
کراچی میں امن و امان کی بگڑتی صورتحال اور ایم کیو ایم کے رہنماء رشید گوڈیل پر حملہ اور ٹارگٹ کلنگ کے پے در پے واقعات کی پیشِ نظر وزیرِاعظم کا دورۂ کراچی اہمیت اختیار کرگیا۔
وزیرِاعظم نواز شریف کل کراچی میں ایپکس کمیٹی کے اجلاس میں شرکت کریں گے، اجلاس میں کراچی آپریشن اور امن و امان کی صورتحال کا جائزہ لیا جائیگا، آرمی چیف جنرل راحیل شریف کی بھی کراچی آمد متوقع ہے۔
اجلا س میں سائیں سرکار کراچی آپریشن اورایپکس کمیٹی کے تحت ہونے والے فیصلوں کی جائزہ رپورٹ پیش کریگی، ذرائع کا کہنا ہے کہ اجلاس میں نیشنل ایکشن پلان بھی زیر بحث آئیگا ۔
وزیرِاعلیٰ سندھ نے وزیرِاعظم کی آمد کے پیشِ نظرآج اعلیٰ سطح کا اجلاس طلب کرلیا، میٹنگ میں آئی جی سندھ قائم علی شاہ کو بریفنگ دیں گے۔
