وزیرِاعظم نوازشریف دورہ امریکا کے لیے روانہ -
The news is by your side.

Advertisement

وزیرِاعظم نوازشریف دورہ امریکا کے لیے روانہ

اسلام آباد: وزیراعظم نوازشریف وفد کے ہمراہ امریکا کے دورے کے لئے روانہ ہوگئے، وزیراعظم رات لندن میں قیام کے بعد کل صبح نیویارک روانہ ہوں گے.

امریکی صدربراک اوباما کی دعوت پر وزیرِاعظم نوازشریف امریکا کا دورہ کررہے ہیں، نوازشریف اور صدر براک اوباما کی اہم ملاقات پرسب کی نگاہیں ہیں، دونوں رہنماؤں کی ملاقات میں باہمی امور،دہشتگردی کے خلاف،عالمی اورعلاقائی امور پر بات ہوگی۔

امریکا روانگی سے قبل نوازشریف کا کہنا تھا کہ پاکستان اورامریکا کے تعلقات درست سمت میں گامزن ہیں، پاکستان کے جوہری اثاثے محفوظ ہاتھوں میں ہیں اورخطے کی امن اورملکی سلامتی کے لئے ہیں، دہشتگردی کے خلاف کوششوں اور خطے میں امن کے لئے پاکستان کا کردارعالمی برادری کی توقعات کے مطابق ہے۔

وزیراعظم امریکی قیادت کے سامنے بھارتی مداخلت کا معاملہ بھی اٹھائیں گے، نوازشریف دورہ امریکا میں امریکی وزیرخارجہ جان کیری،قومی سلامتی کی مشیرسوزن رائس اوردیگراعلی امریکی حکام سے ملاقاتیں کریں گے۔

Comments

comments

یہ بھی پڑھیں