site
stats
پاکستان

وزیراعظم نوازشریف کی ملک بھر میں سیکیورٹی سخت کرنے کی ہدایت

اسلام آباد : وزیراعظم نوازشریف نے دہشت گرد حملوں کے بعد ملک بھر میں سیکیورٹی سخت کرنے کی ہدایت کرتے ہوئے کہا کہ دہشت گردوں کوریاست کی طاقت سےکچل دیاجائےگا، دہشت گرد آسان اہداف کو نشانہ بنا رہے ہیں۔

تفصیلات کے مطابق کوئٹہ اور پارا چنار میں دھماکوں کے بعد وزیراعظم نواز شریف نے سیکیورٹی اداروں کو ملک بھر میں سیکیورٹی بڑھانے کی ہدایت جاری کردی ہے۔

وزیراعظم کا کہنا ہے کہ دہشت گرد آسان اہداف کو نشانہ بنا رہے ہیں ،کوئی مسلمان ایسے گھناؤنے اقدامات کا تصور بھی نہیں کر سکتا، دہشت گردی کے ایسے واقعات کو ریاست کی طاقت سے کچل دیا جائے گا۔


مزید پڑھیں : ملک بھر میں سیکیورٹی ہائی الرٹ کر دی گئی، آئی ایس پی آر


یاد رہے اس سے قبل کوئٹہ، پاراچنار اور کراچی میں دہشت گردوں کی مختلف کارروائیوں کے بعد آرمی چیف جنرل قمر جاوید باجوہ نے کہا تھا کہ دشمن بزدلانہ کارروائیاں کر کے قوم کی خوشیاں چھیننا چاہتا ہے، پاکستان کے عزم کے سامنے دشمن ناکام ہوگا، حالیہ دہشت گردی کے بعد ملک بھر میں سیکیورٹی ہائی الرٹ کردی گئی ہے۔

واضح رہے گذشتہ روز کوئٹہ ، پاراچنار اور کراچی میں دہشت گردوں کی جانب سے بزدلانہ کارروائیاں کی گئی، پارا چنار میں ہونے والے یکے بعد دیگرے بم دھماکوں میں اب تک 34 جاں بحق جبکہ 70 سے زائد زخمی ہوئے ہیں جبکہ کوئٹہ میں ہونے والی دہشت گردی کے نتیجے میں 7 پولیس اہلکاروں سمیت 13 افراد جاں بحق ہوئے تھے۔

دہشت گردوں کی جانب سے تیسرا حملہ کراچی میں کیا گیا، جہاں نامعلوم مسلح افراد نے روزہ افطارکرنے والے پولیس اہلکاروں پر فائرنگ کی جس کے نتیجے میں اے ایس آئی سمیت 4 پولیس اہلکار جاں بحق ہوئے تھے۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top