The news is by your side.

Advertisement

عبدالستار ایدھی کا انتقال پاکستان ہی نہیں پوری دنیاکانقصان ہے، وزیر اعظم

لندن : وزیراعظم نواز شریف کا کہنا ہےکہ عبدالستار ایدھی کا انتقال پاکستان ہی نہیں پوری دنیا کا نقصان ہے، عبدالستارایدھی سے بڑھ کر قومی پرچم کا حقدار کوئی نہیں۔

وزیراعظم نواز شریف نے لندن میں وطن واپسی سے پہلے میڈیا سے بات کرتے ہوئے کہا کہ عبدالستار ایدھی عوام کی حقیقی خدمت کا مینار تھے، ہم انسانیت کے سب سے بڑے خدمتگار سے محروم ہوگئے۔

وزیراعظم نواز شریف کا کہنا تھا کہ ایدھی صاحب محروم طبقے سے پیار کرنے والی شخصیت تھے، آخری سانس تک عبدالستار ایدھی انسانیت کی خدمت کرتے رہے۔

نواز شریف نے دعا کی کہ اللہ تعالیٰ عبدالستار ایدھی کا سفرآخرت آسان بنائے اور انھیں جنت الفردوس میں جگہ عطا فرمائے۔

وزیراعظم کا کہنا تھا کہ وہ دل کی گہرائی سے عبدالستار ایدھی کی نمازجنازہ میں شرکت کرنا چاہتے تھے لیکن صحت اجازت نہیں دیتی۔

Print Friendly, PDF & Email

Comments

comments

یہ بھی پڑھیں