The news is by your side.

Advertisement

وزیرِاعظم سے مولانا فضل الرحمان کی ملاقات

اسلام آباد: وزیرِاعظم نوازشریف سے مولانافضل الرحمان نے ملاقات کی ہے، جے یو آئی سربراہ نے وزیراعظم کو ایم کیوایم کے ساتھ ہونے والی بات چیت سے تفصیلات آگاہ کیا۔

تفصیلات کے مطابق حکومت اور ایم کیو ایم سیاسی بحران میں ثالثی کا کردار نبھانے والے مولانا فضل الرحمان نے اسلام آباد میں وزیراعظم سے ملاقات کی، مولانا فضل الرحمان نے وزیرِاعظم نوازشریف کو ایم کیوایم کے تحفظات سے آگاہ کردیا۔

وزیراعظم نے جے یو آئی سربراہ کی سیاسی بصیرت کو سراہتے ہوئے کہا کہ سیاسی جماعتوں کے پارلیمانی کردار کو نظرانداز نہیں کرسکتے، حکومت تمام جماعتوں کےمینڈیٹ کا احترام کرتی ہے، وزیرِاعظم نوازشریف نےکہا ہے کہ ایم کیوایم کوپارلیمنٹ میں کردار ادا کرتے رہناچاہئے۔

ملاقات کے بعد مولانافضل الرحمان کا کہنا تھا کہ ایم کیوایم کا استعفوں کی واپسی سے متعلق رویہ مثبت تھا، جائز مطالبات تسلیم کئے جائیں گے، سیاسی بحران کے خاتمے کیلئے حکومت ایم کیوایم مذاکرات کا دوسرادور اسلام آباد میں ہوگا۔ تاہم فضل الرحمان کا کہنا ہے کہ رشید گوڈیل پر حملے کے بعد مذاکراتی عمل ایک دو روز معطل رہے گا۔

Comments

comments

یہ بھی پڑھیں