The news is by your side.

Advertisement

عالمی برادری کشمیر میں بھارتی مظالم کا نوٹس لے، وزیراعظم

اسلام آباد : وزیراعظم نواز شریف نے عالمی برادری سے مقبوضہ کشمیر میں بھارتی مظالم کا نوٹس لینے کا مطالبہ کرتے ہوئے کہا ہے کہ وقت آگیا ہے کہ مسئلے کو کشمیری عوام کی خواہشات کے مطابق حل کیا جائے، عالمی برداری مسئلے کے حل میں کردار ادا کرے۔

اسلام آباد میں وزیراعظم نوازشریف نے برطانوی مشیرقومی سلامتی سر مارک لائل گرانٹ سے ایوان وزیراعظم میں ملاقات میں کی، ملاقات میں وزیراعظم نواز شریف نے برطانوی قومی سلامتی کے مشیر مارک لائل گرانٹ کو کشمیرکی صورتحال سے آگاہ کیا اور عالمی قراردادوں کے مطابق مسئلے کے حل پر زور دیا۔

وزیراعظم نے کہا کہ پاکستان ایک پرامن ملک ہے اورہمسایہ ممالک سے دوستانہ تعلقات کی پالیسی پرعمل پیرا ہے، بھارت مقبوضہ کشمیرمیں ظلم کی انتہا کررہا ہے، پیلٹ گن سے سیکڑوں کشمیریوں کو بینائی سے محروم کردیا گیا ہے۔

نواز شریف نے کہا عالمی برادری مقبوضہ کشمیرمیں بھارتی مظالم کا نوٹس لے، وقت آگیا ہے کہ مسئلے کو کشمیری عوام کی خواہشات کے مطابق حل کیا جائے اور عالمی برداری مسئلے کے حل میں کردار ادا کرے۔


پاکستان کی افواج اور قانون نافذ کرنے والے اداروں نے دہشتگردی کے خاتمے کیلئے بیش بہا قربانیاں دیں، مارک لائل


مارک لائل نے پاکستان کی دہشتگردی کیخلاف دی گئی قربانیوں کو سراہا، برطانوی مشیرقومی سلامتی نے تسلیم کیا کہ پاکستان کی افواج،پولیس اوردیگرقانون نافذ کرنے والے اداروں نے دہشتگردی کے خاتمے کیلئے بیش بہا قربانیاں دیں۔

برنوی مشیرسلامتی کا کہنا تھا کہ دہشتگردی کیخلاف دی گئی قربانیوں کے پیچھے عوامی سپورٹ نے کلیدی کردار ادا کیا، سرمارک نے وزیراعظم کو آئی ایم ایف کے پروگرام پر عملدرآمد اور بڑے پیمانے پر اقتصادی و معاشی اہداف کی تکمیل پر مبارکباد دی۔

مارک لائل نے کہا کہ برطانیہ پاکستان کی جانب سے ہمسایہ ممالک سے بہتر تعلقات کو فروغ دینے کے عمل کو سراہتا ہے۔

Comments

comments

یہ بھی پڑھیں