حکومت توانائی کے شعبہ میں اصلاحات پر توجہ دے رہی ہے، وزیر اعظم -
The news is by your side.

Advertisement

حکومت توانائی کے شعبہ میں اصلاحات پر توجہ دے رہی ہے، وزیر اعظم

اسلام آباد: وزیراعظم محمد نوازشریف نے کہا ہے کہ حکومت ملک سے لوڈ شیڈنگ کے خاتمے کیلئے توانائی کے شعبہ میں اصلاحات پر توجہ دے رہی ہے۔

وزیراعظم ہاوس میں امریکی کمپنی جنرل منیجر اینڈ چیف ایگزیکٹو آفیسر جنرل الیکٹرک جیفری آر آئی میلٹ سے بات چیت کرتے ہوئے وزیراعظم نے کہا کہ توانائی کے شعبہ میں اصلاحات حکومت کی اولین ترجیح ہے۔

انہوں نے کہاکہ ہماری ٹیم ہمارے دور حکومت میں ہی لوڈ شیڈنگ کے خاتمے کیلئے بھرپور کوششیں کر رہی ہے، انہوں نے کہا کہ شہریوں کو سستی بجلی کی فراہمی یقینی بنانے کیلئے حکومت توانائی کے متبادل ذرائع کے منصوبوں پر کام کر رہی ہے۔

وزیراعظم محمد نواز شریف نے پاک چین اقتصادی راہداری کے مغربی کوریڈور کی جلد تکمیل اور اراضی کے حصول کا عمل شروع کرنے کی ہدایت کی ہے۔

وزیراعظم ہاوس میں بنیادی ڈھانچے کے منصوبوں پر پیشرفت کے جائزہ اجلاس کی صدارت کرتے ہوئے وزیر اعظم نے لاہور سے عبدالحکیم موٹر وے اور ژوب سے مشاکوٹ موٹر وے کا رواں ماہ میں سنگ بنیاد رکھنے کا اعلان کیا جبکہ انہیں رپورٹ پیش کی گئی ہے کہ موٹر وے کے خانیوال سے ملتان سیکشن پر کام مکمل کرلیا گیا ہے اور یہ نومبر میں منصوبہ افتتاح کے لئے تیار ہے۔

وزیراعظم نے کہا کہ مغربی راہداری کو عملی جامہ پہنانا قوم کے ساتھ ان کا وعدہ ہے جو انہوں نے کل جماعتی کانفرنس کے دوران کیا تھا۔

Comments

comments

یہ بھی پڑھیں