The news is by your side.

اب کسی غریب کوعلاج کے لئے گھر کی چیزیں بیچنا نہیں پڑیں گی، وزیرِاعظم

اسلام آباد: وزیرِاعظم نواز شریف نے قومی صحت پروگرام کا افتتاح کردیا، انکا کہنا تھا کہ اب کسی غریب کوعلاج کے لئے گھر کی چیزیں بیچنا نہیں پڑیں گی، مستحق خاندانوں کو مفت علاج کی سہولیات فراہم کی جائیں گی۔

وزیراعظم نواز شریف نے سال کے اختتام پر اسلام آباد میں قومی صحت پروگرام کی بنیاد رکھ کرانقلاب کی نئی راہیں پیدا کردی، وزیرِاعظم نواز شریف نے قومی صحت پروگرام سے خطاب کرتے ہوئے کہا کہ اب غریبوں کے علاج کا ذمہ حکومت کا ہوگا، مستحق مریضوں کو تین لاکھ روپے تک علاج کی سہولت فراہم کی جائے گی جبکہ مقررہ رقم ختم ہونے کے بعد بھی علاج کا خرچ برداشت کیا جائے گا۔

پروگرام کے تحت سات خطرناک بیماریوں کا مفت علاج ہوگا، پہلے مرحلے میں 23 اضلاع میں صحت پروگرام شروع کیا جارہا ہے، قومی صحت پروگرام کے تحت غریب افراد کو نجی و سرکاری دونوں اسپتالوں میں علاج کی سہولیات فراہم کی جائیں گی جبکہ ایک کارڈ پورےخاندان کے علاج میں کام آئے گا۔

قومی صحت مرکز کی تقریب میں وزیراعظم کے ہمراہ اسحاق ڈار، سائرہ افضل تارڑ،بلیغ الرحمان،خرم دستگیر، انوشے رحمان اور مریم نواز بھی موجود تھے۔

Print Friendly, PDF & Email

Comments

comments

یہ بھی پڑھیں