site
stats
بزنس

وزیر اعظم کا بجلی سبسڈی کی مد میں 104 ارب روپے جاری کرنے کا حکم

اسلام آباد: توانائی کے شعبہ میں گردشی قرضوں کے معاملہ کو حل کرنے کے لیے وزیر اعظم نے 104 ارب روپے جاری کرنے کا حکم دے دیا۔

تفصیلات کے مطابق توانائی کے گردشی قرضوں کا حجم 400 ارب روپے سے تجاوز کر گیا ہے۔

وزارت پانی و بجلی نے وزیر اعظم کو آگاہ کیا کہ بجلی کی سبسڈی کی مد میں رواں سال کے 114 ارب روپے تھے جس میں سے وزارت خزانہ نے ابھی تک صرف 10 ارب روپے جاری کیے ہیں۔

وزارت پانی و بجلی کے آگاہ کرنے پر وزیر اعظم نے 104 ارب روپے جاری کرنے کا حکم دے دیا۔

ذرائع کے مطابق یہ اقدام ملک میں جاری توانائی بحران اور لوڈ شیڈنگ کی صورتحال کو بہتر بنانے کے لیے کیا گیا ہے۔

دوسری جانب وزیر اعظم نے توانائی کے گردشی قرضوں کی جانچ پڑتال کے لیے آڈٹ کروانے کی ہدایت بھی جاری کی ہے۔

اعداد و شمار کے مطابق مختلف کمپنیوں نے پی ایس او کو 301 ارب روپے ادا کرنے ہیں۔


Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top