The news is by your side.

Advertisement

وزیر اعظم کا اسلام آباد میں اسکول کے لیے 200 بسوں کا تحفہ

اسلام آباد: وزیر اعظم محمد نواز شریف نے شہر اقتدار میں قائم 4 سو 22 سرکاری اسکولوں کو نئی بسوں کا تحفہ دے دیا۔ اس موقع پر وزیر اعظم نے قوم کے مستقبل کے معماروں سے خطاب کیا اور ان کی حوصلہ افزائی کی۔

تفصیلات کے مطابق وزیر اعظم نواز شریف نے تعلیمی اصلاحات پروگرام کے حوالے سے منعقدہ تقریب میں مستقبل کے معماروں سے خطاب کرتے ہوئے کہا کہ ہم پاکستان میں تعلیمی اصلاحات کر رہے ہیں، جس کے حوالے سے آج حکومت نے اسلام آباد کے سرکاری اسکولوں کو نئی بسوں کا تحفہ دیا ہے۔

انہوں نے کہا کہ ہم مزید 200 بسیں دینے کا ارادہ رکھتے ہیں اور بہت جلد یہ وعدہ پورا کریں گے۔

وزیر اعظم نواز شریف کا کہنا تھا کہ بچے من کے سچے ہوتے ہیں۔ اچھی تعلیم و تربیت سے مزین ہونا ہمارے بچوں کا بنیادی حق ہے، جس کے لیے ہم عمل پیرا ہیں۔

ان کا مزید کہنا تھا کہ میں نے اور میری بیٹی مریم نواز نے مل کر اسلام آباد کے 4 سو 22 سرکاری اسکولوں کی حالات بہتر بنانے کا عزم کیا ہے تاکہ ہمارے بچے اچھی عمارتوں والی درسگاہ میں زیور علم سے آراستہ ہو۔

انہوں نے نونہالوں سے خطاب کرتے ہوئے کہا کہ اچھی تعلیم ہی اچھا انسان بناتی ہے اور اچھا انسان ہی پاکستان کا آنے والا کل بہتر بنا سکتا ہے۔

وزیر اعظم نے مزید کہا کہ معیاری تعلیم کے لیے اساتذہ کی میرٹ پر تقرری ضروری ہے۔ انہوں نے بچوں کو دل لگا کر تعلیم حاصل کرنے اور اچھا پاکستانی بننے کی ہدایت کی۔

Print Friendly, PDF & Email

Comments

comments

یہ بھی پڑھیں