site
stats
پاکستان

وزیراعظم نواز شریف کی روضہ رسولﷺ پر حاضری ، نوافل اور نماز تراویح ادا

مدینہ منورہ : وزیراعظم نواز شریف نے مدینہ منورہ میں روضہ رسولﷺ پر حاضری دی، نوافل اور نماز تراویح ادا کی اور ملکی سلامتی اور خوشحالی کے لئے خصوصی دعائیں کیں ۔

تفصیلات کے مطابق وزیراعظم نواز شریف عمرے کی ادائیگی کے بعد اہل خانہ کے ہمراہ مدینہ منورہ پہنچے ، جہاں انھوں نے مسجد نبوی میں روضہ رسولﷺ پر حاضری دی اور نماز تراویح ادا کی اور 27ویں شب کی خصوصی عبادات میں بھی حصہ لیا۔

وزیراعظم نواز شریف نے مدینہ منورہ کی مسجد نبوی میں ملک و قوم کے لیے خصوصی دعائیں بھی کیں۔

نواز شریف نماز عید بھی مسجد نبوی میں ادا کریں گے، عید کے بعد لندن روانہ ہونگے جہاں وہ اپنا طبی معائنہ بھی کرائیں گے ۔

نواز شریف نے مکہ مکرمہ سے مدینہ منورہ کا سفر اہل خانہ کے ہمراہ بس میں کیا، وزیر اعظم کی صاحبزادی مریم نواز نے سماجی رابطے کی ویب سائٹ ٹوئٹر پر اپنے والد نواز شریف کے ہمراہ بس میں دوران سفر تصویر شیئر کی اور پیغام لکھا زہے مقدر ،مدینے کا سفر۔

اس سے قبل وزیراعظم نواز شریف نے حرم شریف میں عمرہ ادا کیا اور پاکستان کی سلامتی اور استحکام کے لیے خصوصی دعا بھی کی۔


مزید پڑھیں : وزیراعظم نواز شریف نے اہلخانہ کے ہمراہ عمرے کی سعادت حاصل کرلی


واضح رہے کہ وزیراعظم نواز شریف ان دنوں نجی دور ے پر سعودی عرب میں موجود ہیں، اس موقع پر ان کے ہمراہ ان کی صاحبزادی مریم نواز بھی ہیں۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top