site
stats
پاکستان

ہر حملے کا الزام پاکستان پر عائد کرنا بھارت کی عادت ہے، وزیراعظم

نیویارک: وزیراعظم نواز شریف نے کہا ہے کہ بھارت کا ہر حملے کا الزام پاکستان پر عائد کرنا اس کی عادت بن چکی ہے، کشمیر میں بھارتی مظالم سے متعلق ڈوزیئر امریکا کو بھی جمع کرارہے ہیں۔

یہ بات انہوں نے نیویارک میں صحافیوں کے ساتھ ناشتہ کرنے کے بعد ان سے بات چیت کرتے ہوئے کہی۔

وزیراعظم نے کہا کہ مقبوضہ کشمیرکی صورتحال انتہائی خراب ہے، 107 کشمیریوں کو شہید کردیا گیا ہے، ہزاورں لوگوں کو زخمی کیاگیا درجنوں کی بینائی چلی گئی۔

انہوں نے کہا کہ عالمی دنیا ہمارا نکتہ نظر سمجھنے کی کوشش کرے،دنیا کو مقبوضہ کشمیر میں مظالم ہوتے ہوئے نظر آرہے ہیں اب میڈیا کو بھی پاکستان کا کیس بہتر انداز میں پیش کرنا ہوگا۔


یہ بھی پڑھیں: کشمیر میں بھارتی ظلم کے شواہد فراہم کریں گے، اقوام متحدہ تحقیقات کرے، وزیراعظم


 وزیراعظم کا کہنا تھا بھارت پاکستان کوتنہا کرنے کی کوششوں میں مصروف ہے لیکن بھارت پاکستان کو اکیلا نہیں کرسکتا، پاکستان کی معاشی صورتحال دن بدن بہتر ہوتی جارہی ہے ہم دہشت گردی کے خلاف جنگ کو منطقی انجام تک پہنچائیں گے۔


اسی سے متعلق: مسئلہ کشمیر پر پاکستان کا مؤقف بہت اہم ہے، چینی وزیر اعظم، نوازشریف سے ملاقات


 قبل ازیں پاکستانی صحافیوں اور وزیراعظم نے ایک ساتھ ناشتہ کیا جس میں وزیراعظم کا کہنا تھا کہ میں یہاں پاکستانی صحافیوں کو سننے کے لیے آیاہوں،صحافی بتائیں میرا اقوام متحدہ کا دورہ کیا رہا۔

یہ بھی پڑھیں:

مسئلہ کشمیر: وزیراعظم نے سلامتی کونسل کے 5 اراکین کو خطوط لکھ دیے

کشمیریوں کےحق خودارادیت کی حمایت کرتےرہیں گے،وزیراعظم نواز شریف

وزیراعظم نوازشریف جنرل اسمبلی اجلاس میں شرکت کے لیےامریکہ روانہ

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top