The news is by your side.

Advertisement

پاکستان کے ساتھ کھڑے ہیں، پاکستان اور چین کا رشتہ نہ ٹوٹنے والا رشتہ ہے، چینی وزیراعظم

نیویارک : وزیراعظم نوازشریف سے چین کے وزیراعظم لی کی چیانگ کی ملاقات ہوئی، جس میں وزیراعظم نےچینی ہم منصب کومقبوضہ کشمیرمیں بھارتی مظالم سے آگاہ کیا۔

وزیراعظم نواز شریف سے چین کے وزیراعظم لی کی چیانگ کی نیویارک میں اہم ملاقات ہوئی ، چین مسئلہ کشمیر پر پاکستان کی حمایت میں کھل کر سامنے آ گیا، چینی وزیراعظم نے کہہ دیا کہ ان کا ملک کشمیر پر پاکستان کے مؤقف کو انتہائی اہمیت دیتا ہے، عالمی برادری کو مقبوضہ کشمیر پر پاکستان کے مؤقف کو تسلیم کرنا چاہیے۔

چینی وزیراعظم لی کی چیانگ نے کہا کہ وہ پاکستان کے ساتھ کھڑے ہیں، پاکستان اور چین کا رشتہ نہ ٹوٹنے والا رشتہ ہے۔

meet-1

چین کے وزیراعظم کا کہنا تھا کہ پاکستان اور بھارت میں صورتحال خطرناک نہیں ہونی چاہیے جبکہ چین نے پاکستان اور بھارت کے درمیان کشیدہ تعلقات میں تعمیری کردار کی پیشکش کر دی۔

چینی وزیراعظم نے کہا کہ گوادر میں فراہم کی گئی سہولتوں میں مزید اضافہ کرینگے، چینی وزیراعظم نے دہشتگردی کیخلاف پاکستان کی مؤثر کوششوں کو بھی سراہا جبکہ وزیراعظم نواز شریف کی مقبوضہ کشمیرمیں بھارتی ظلم وجبر کیخلاف آواز اٹھانے پر خیر مقدم کیا۔

وزیراعظم نواز شریف نے نیوکلیئر سپلائرز گروپ میں حمایت پر چینی ہم منصب کر شکریہ ادا کیا، ملاقات میں وزیراعظم نے کہا کہ پاکستان کسی بھی قسم کی دہشت گردی کی مذمت کرتا ہے۔

Print Friendly, PDF & Email

Comments

comments

یہ بھی پڑھیں