The news is by your side.

Advertisement

وزیراعظم سے قطری وزیرخارجہ کی ملاقات، اہم امورپرتبادلہ خیال

اسلام آباد: وزیراعظم نوازشریف نے کہا ہے کہ پاکستان اور قطر کے درمیان گہرے برادرانہ تعلقات ہیں اور پاکستان خلیجی ممالک کے درمیان بہتر تعلقات کے فروغ کا خواہش مند ہے۔

یہ بات وزیراعظم نواز شریف نے قطری وزیرخارجہ شیخ محمد بن عبدالرحمان الثانی سے ملاقات کے دوران کہی دورانِ ملاقات دونوں رہنماؤں نے دوطرفہ امور بالخصوص اور خطے کی صورت حال پربالعموم تبادلہ خیال کیا۔

قطری وزیرخارجہ نے خلیجی ممالک کے قطر سے سفارتی تعلقات ختم کرنے کے بعد سعودی عرب کے مطالبات سے وزیراعظم نواز شریف کوآگاہ کیا جب کہ امیر کویت کی قطرسعودی عرب کے درمیان ثالثی کی کوششوں پر تبادلہ خیال کیا گیا۔

جس پر وزیراعظم نوازشریف نے امیرِکویت کے مدبرانہ کردار کی تعریف کی اور خلیجی ممالک کے درمیان کشیدگی ختم ہونے کو وقت کی ضرورت اور اپنی دیرینہ خواہش بتایا۔

اس موقع پرقطری وزیرخارجہ نے خلیجی ممالک کے درمیان کشیدگی کو ختم کرانے کے لیے وزیراعظم نوازشریف کی کوششوں پرشکریہ ادا کرتے ہوئے پاک قطرتعلقات کو مزید مضبوط بنانے کی خواہش کا اظہار بھی کیا۔

جس پر وزیراعظم نواز شریف نے کہا کہ پاکستان اورقطرکے درمیان گہرے برادرانہ تعلقات ہیں اور وہ چاہتے ہیں کہ اسلامی ممالک میں مسائل کاسفارتی حل تلاش کیاجائے اور اس مسئلے کے حل کے لیے اپنا کردار ادا کرتے رہیں گے۔

Print Friendly, PDF & Email

Comments

comments

یہ بھی پڑھیں