The news is by your side.

Advertisement

قیاس آرائیوں پر مبنی رپورٹنگ سے گریز کیا جائے ،وزیراعظم

اسلام آباد: وزیراعظم نواز شریف کی زیرصدارت اجلاس میں میڈیا پر چلنے والی خبر کو قابل تشویش قرار دیا اور وزیراعظم نے مبالغہ آرائی پر مبنی خبریں دینے والوں کے خلاف سخت کارروائی کی ہدایت کردی ہے۔

وزیراعظم نوازشریف کی زیرصدارت اعلی سطح اجلاس میں مفروضوں پر بننے والی خبروں پرتشویش کا اظہار کیا، قومی اور علاقائی سیکیورٹی سے متعلق معاملات پر غور کیلئے اجلاس میں آرمی چیف جنرل راحیل شریف ، وزیرخزانہ، وزیرداخلہ چوہدری نثار ، وزیراعلی پنجاب اور ڈی جی آئی ایس آئی لیفٹننٹ جنرل رضوان اختر نے شرکت کی۔

اجلاس میں نیشنل سیکیورٹی کمیٹی سے متعلق ڈان اخبار کی خبر کو قابل افسوس قرار دیا گیا، وزیراعظم نے دو ٹوک الفاظ میں ہدایت کی کہ غیر ذمہ داری کا مظاہرہ کرنیوالوں کو سامنے لایا جائے اور ان کیخلاف سخت کاروائی عمل میں لائی جائے۔

اجلاس نے اس عزم کودھرایا کہ پاک فوج اورانٹیلی جنس ادارے بغیرکسی تفریق کے دہشتگردی کیخلاف اپنا کلیدی کردارادا کرتے رہیں گے۔

اجلاس کے بعد جاری اعلامیے کہا گیا کہ مفروضوں اور قیاس آرائیوں پر مبنی رپورٹنگ سے گریز کیا جائے، دہشت گرد اور دہشت گردی کے خلاف بلاتفریق کاروائیاں اتفاق رائے سے جاری رہیں گی۔

اجلاس سے قبل وزیراعظم نوازشریف نے آرمی چیف جنرل راحیل شریف سے ملاقات کی، ملاقات میں قومی اورخطے کی سلامتی سے متعلق معاملات زیر غورلائے گئے۔

Comments

comments

یہ بھی پڑھیں