site
stats
پاکستان

لاہور: وزیراعظم نوازشریف کے بھتیجے علی عباس کی طبیعت اچانک خراب

لاہور:وزیراعظم نوازشریف کےبھتیجےعلی عباس کی طبیعت اچانک خراب ہوگئی ، جس کے بعد انھیں فوری اسپتال منتقل کردیا گیا ہے۔

تفصیلات کے مطابق وزیراعظم نواز شریف کے بھتیجے 28سالہ علی عباس کی دفتر میں کام کے دوران طبیعت خراب ہوگئی، جس کے فوری بعد انھیں اسپتال منتقل کیا گیا جہاں انکا علاج جاری ہے۔

اسپتال زرائع کے مطابق علی عباس کو انتہائی نگہداشت وارڈ میں رکھا گیا ہے جہاں ڈاکٹرز کی ٹیم علی عباس کو چیک کررہی ہے، وزیر اعظم اور وزیر اعلیٰ پنجاب کے بھتیجے کو برین ہیمرج ہونے پراسپتال داخل کرادیا گیا۔

خیال رہے کہ علی عباس وزیراعظم نواز شریف اور شہباز شریف کے بھائی عباس شریف کے بیٹے ہیں۔


مزید پڑھیں : وزیراعظم نوازشریف ایک بار پھر علیل


واضح رہے کہ دو روز قبل وزیراعظم نواز شریف پیٹ میں درد کی شکایت کے باعث اسپتال میں داخل ہوئے تھے ، جس کے بعد اسپتال میں جانچ پڑتال کے بعد گردے میں معمولی پتھر کی تشخص ہوئی تھی جو کہ قابل تشویش بات نہیں اور نہ ہی اس کے لیے کسی قسم کے ٹریٹمنٹ کی ضرورت ہے بلکہ معمولی احتیاط سے اس پر قابو پایا جا سکتا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top