The news is by your side.

Advertisement

وزیر اعظم نواز شریف کا پنجاب حکومت پر اظہار برہمی

لاہور : دینی مدارس کی رجسٹریشن کے حوالے سے نامکمل رپورٹ جمع کرانے پر وزیر اعظم نواز شریف پنجاب حکومت پر برہم ہو گئے۔

پنجاب میں امن وامان کی صورتحال سے متعلق اجلاس وزیر اعظم نوازشریف کی صدارت میں رائیونڈ فارم ہاﺅس میں ہوا، جس میں وزیر اعلیٰ شہباز شریف ، چیف سیکرٹری ، آئی جی پنجاب سمیت دیگر اعلیٰ حکام نے شرکت کی ۔

اجلاس میں وزیر اعظم نے پنجاب حکومت کی جانب سے وزارت داخلہ کو دینی مدارس کی رجسٹریشن کی نا مکمل فہرست جمع کرانے پر نا راضگی کا اظہار کرتے ہوئے کہاکہ اب تک دینی مدارس کی رجسٹریشن کا کام مکمل کیوں نہیں کیا گیا؟

وزیر اعظم نے ہدایت کی کہ جلد سے جلد دینی مدارس کی رجسٹریشن کا کام مکمل کرکے رپورٹ وزارت داخلہ کو بھیجی جائے۔

پنجاب حکومت کی جانب سے وزارت داخلہ کو بھجوائی جانے والی رپورٹ میں کہا گیا تھا کہ پنجاب میں قائم تمام دینی مدارس کی رجسٹریشن مکمل کر لی گئی ہے، جبکہ وزارت داخلہ کے ریکارڈ کے مطابق پنجاب میں چھ سو ایسے مدارس ہیں جنہیں تا حال رجسٹرڈ نہیں کیا گیا ۔

ایک اور اجلاس میں وزیر اعظم نے میٹرو بس اور اورنج ٹرین منصوبوں پر کڑی تنقید کرتے ہوئے کہاکہ پنجاب حکومت عوام کے بنیادی مسائل کی جانب توجہ دے اور لوگوں کو پینے کے صاف پانی کی فراہمی یقینی بنائے ،جس پر وزیر اعلیٰ پنجاب نے وزیر اعظم کو بتایا کہ صاف پانی منصوبے کے تحت جون دو ہزار سترہ تک پنجاب کے اکثر علاقوں میں صاف پانی کی فراہمی ممکن بنائی جائے گی۔

وزیر اعظم نے صاف پانی منصوبے کے لئے پنجاب کو وفاق کی جانب سے ہر ممکن مالی تعاون کا یقین دلایا ۔

Print Friendly, PDF & Email

Comments

comments

یہ بھی پڑھیں