وزیراعظم نوازشریف سرکاری دورے پرمالدیپ روانہ -
The news is by your side.

Advertisement

وزیراعظم نوازشریف سرکاری دورے پرمالدیپ روانہ

اسلام آباد: وزیراعظم میاں محمد نواز شریف تین روزہ دورے پرمالدیپ روانہ ہوگئے،مشیرخارجہ سرتاج عزیز بھی وزیراعظم کےہمراہ ہیں۔

تفصیلات کےمطابق وزیراعظم نواز شریف صدر عبداللہ یامین عبدالقیوم کی دعوت پرتین روزہ روزہ دورے پرمالدیپ روانہ ہوگئے۔ وزیراعظم مالدیپ کے 52 ویں یوم آزادی کی تقریبات میں مہمان خصوصی ہوں گے۔

وزیراعظم پاکستان مالدیپ کےصدرعبداللہ یامین عبدالقیوم سے ملاقات بھی کریں گے۔ دورے کے دوران دونوں ملکوں کے درمیان متعدد شعبوں میں مفاہمت کی یادداشتوں اور معاہدوں پر دستخط بھی کئے جائیں گے۔

دوسری جانب ترجمان دفتر خارجہ نفیس ذکریا کا کہنا ہے کہ پاکستان باہمی وقار اور مشترکہ مفادات کی بنیاد پر مالدیپ کےساتھ اپنے تعلقات کو اہمیت دیتا ہے،پاکستان اور مالدیپ کے درمیان سفارتی تعلقات 26 جولائی 1966 کو قائم ہوئے۔

واضح رہےکہ ترجمان دفتر خارجہ کا کہنا ہے کہ وزیراعظم کے دورے سے مستقبل میں مختلف شعبوں سیاسی، اقتصادی، دفاعی، سیاحتی، تعلیمی اورعوامی سطح کے رابطوں میں پاک مالدیپ باہمی تعلقات مزید مضبوط ہوں گے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں