پاکستان کرکٹ بورڈ حکام کا وقاریونس سےملاقات سےانکار -
The news is by your side.

Advertisement

پاکستان کرکٹ بورڈ حکام کا وقاریونس سےملاقات سےانکار

لاہور: پاکستان کرکٹ بورڈ کےحکام نے وقاریونس سے ملاقات سے انکار کردیا، بورے والا ایکسپریس اپنی توہین پربرہم ہوگئے،کہتے ہیں تین کمرے دور بیٹھےتھے، لیکن ٹیلی فون پر بات کی ملاقات سے انکار کیا گیا۔

وقار یونس نے پی سی بی حکام سے مطالبہ کیا کہ میری رپورٹ کیسے لیک ہوئی،بورڈ حکام نے بات تک نہ کی۔

وقارکا کہنا تھا کہ وہ کرکٹ بچانےکےلیےوزیراعظم سےبھی رابطہ کرنے کی کوشش کریں گے،اب معاملہ بورڈ حکام سےاوپرجانا چاہیے۔

ہیڈ کوچ کا کہنا تھا کہ جورپورٹ دی تھی اسےنہ صرف لیک کیا گیا، بلکہ توڑ مروڑ کرپیش کیا گیا، کچھ لوگ مجھے ولن بناکر اپنی غلطیاں چھپاناچاہتےہیں۔،

وقاریونس نے کہا کہ انہوں نے پوری زندگی کرکٹ کو دی ہے،ان کی مزید توہین نہ کی جائے قومی ٹیم کےکوچ کا کہنا تھا کہ معاملات سنبھالنے کے لیے اب کسی کو باہر سے آنا ہوگا،جس پردباؤ نہ ڈالا جاسکے،جوکسی کی سفارش نہ مانے۔

واضح رہے کہ بورڈ حکام کےرویے سے دل گرفتہ وقاریونس نےٹیم کارکردگی پرتفتیشی ٹیم کو رپورٹ پیش کی تھی،وہ رپورٹ لیک ہوگئی،ہیڈ کوچ معلوم کرنےگئےتھے رپورٹ کیسےلیک ہوئی۔

Comments

comments

یہ بھی پڑھیں