site
stats
پاکستان

وزیراعظم نوازشریف کا افغان صدر کو ٹیلی فون، کابل حملے پردکھ اور تعزیت کا اظہار

اسلام آباد: وزیراعظم محمد نوازشریف نے افغان صدر سے ٹیلی فون پررابطہ کیا اور ان سے کابل میں ہونیوالے دہشتگرد حملے میں جاں بحق افراد کی قیمتی جانوں کے ضیاع پرحکومت اور قوم کی جانب سے گہرے دکھ اور تعزیت کا اظہار کیا۔

تفصیلات کے مطابق وزیراعظم محمد نوازشریف نے افغان صدر سے ٹیلیفونک رابطہ کیا، اپنے تعزیتی پیغام میں وزیراعظم نے دہشتگرد حملے میں ہونیوالے قیمتی جانی نقصان پر متاثرہ خاندانوں سے بھی اظہارِ تعزیت کیا اور اس بہیمانہ اقدام کی زبردست مذمت کی۔

وزیراعظم نے حملے میں ہونیوالے زخمیوں کی جلد صحت یابی کیلئے دعا کی۔

نواز شریف نے کہا اس المناک واقعے اور حساس لمحے پر حکومت اور عوام افغان حکومت اور عوام کے شانہ بشانہ ساتھ کھڑے ہیں، ہم افغانستان کے ساتھ مل کردہشتگردی کے ناسور کو جڑ سے اکھاڑ پھینکنے کیلئے پرعزم ہیں۔

افغان صدر نے اظہار یکجہتی پر وزیراعظم کا شکریہ اداکیا اور کہا دونوں ممالک کو مسلسل اور پے درپے دہشتگردی کے واقعات کاسامنا ہے۔

واضح رہے کہ کابل میں مظاہرے کے دوران 2 بم دھماکے ہوئے، جس کے نتیجے میں 80 افراد ہلاک اور دو سو سات زخمی ہوگئے تھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top