site
stats
پاکستان

وزیر اعظم آج شام قوم سے خطاب کریں گے

اسلام آباد: وزیر اعظم نواز شریف آج شام 7 بجے پاناما کیس کے فیصلے سے متعلق قوم سے خطاب کریں گے۔

تفصیلات کے مطابق وزیر اعظم نواز شریف نے وزیر اعظم ہاؤس میں پاناما کیس کا فیصلہ سنا۔

فیصلے کے بعد وزیر اعلیٰ پنجاب شہباز شریف نے گلے لگا کر وزیر اعظم نواز شریف کو مبارکباد دی۔ اس موقع پر سابق وفاقی پرویز رشید اور عرفان صدیقی بھی موجود تھے جبکہ مریم نواز بھی اپنے والد کے ہمراہ تھیں۔

مزید پڑھیں: پاناما کیس کے فیصلے پر عوام کا ردعمل

فیصلہ آنے کے بعد وزیر اعظم فیصلے سے متعلق قوم سے خطاب کریں گے۔

یاد رہے کہ آج سپریم کورٹ آف پاکستان نے پاناما کیس پر فیصلہ سنا دیا۔ عدالت نے جوائنٹ انویسٹی گیشن کمیٹی بنانے کا حکم دیتے ہوئے کہا کہ جے آئی ٹی ہر 15 روز بعد رپورٹ پیش کرے۔

عدالت نے حکم دیا ہے کہ وزیر اعظم ،حسن اور حسین نواز جے آئی ٹی کے سامنے پیش ہوں گے اور جے آئی ٹی 60 روز میں اپنی رپورٹ پیش کرے گی۔

مزید پڑھیں: مبارک وزیر اعظم نواز شریف

سپریم کورٹ نے اپنے فیصلے میں کہا کہ وزیر اعظم کی اہلیت کا فیصلہ جے آئی ٹی رپورٹ پر ہوگا۔ جے آئی ٹی میں آئی ایس آئی، نیب کا نمائندہ، سیکیورٹی ایکس چینج اور ایف آئی اے کا نمائندہ بھی شامل ہوگا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top