کراچی ۔ وزیر اعظم نے پاک بحریہ کی بین الاقوامی امن مشقوں پر اطمینان کا اظہار کرتے ہوئے امن مشق کے کامیاب انعقاد پر پاک بحریہ کی کاوشوں کی تعریف کی اور کارگردگی کو سراہا۔
تفصیلات کے مطابق وزیراعظم محمد نوازشریف مختصر دورے پر کراچی پہنچے جہاں انھوں نے بحیرہ عرب میں جاری پاک بحریہ کی امن مشقوں کا معائنہ کیا، اس موقع پر چیف آف آرمی اسٹاف اور چیف آف ایئر اسٹاف وزیراعظم کے ہمراہ تھے۔
وزیر اعظم نے پاک بحریہ کی بین الاقوامی امن مشقوں پر اپنے اطمینان کا اظہار کیا اور مشترکہ پانیوں میں امن و استحکام کے قیام کے لیے اس مشق کا انعقاد پاکستان کی دیگر قوموں کے ساتھ مثبت کام کی پالیسی کی عکاسی کرتا ہے۔
وزیراعظم نواز شریف نے امن مشق کے کامیاب انعقاد پر پاک بحریہ کی کاوشوں کی تعریف کی اور کارگردگی کو سراہا۔
مزید پڑھیں : بحیرہ عرب میں امن مشق17 کا آج آخری روز، وزیر اعظم شرکت کریں گے
انھوں نے مزید کہا کہ غیر ملکی بحری افواج کی اتنی بڑی تعداد میں موجودگی ان کے پاکستان پر اعتماد کا ثبوت ہے، اس آپریشنل تیاری کے ساتھ پاکستان نیوی سمندر کی حفاظت اور پاکستان کے بحری مفادات کے تحفظ کے لیے تیار ہے۔
محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں